Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycan Ukraynanın ən böyük aviayanacaq təchizatçıları sırasına daxil olub

Azərbaycan Ukraynanın ən böyük aviayanacaq təchizatçıları sırasına daxil olub

Date: 15 November 2016 13:47

Kiyev. 15 noyabr. REPORT.AZ/ Azərbaycanın 2016-cı ildə Ukraynanın ən böyük aviayanacaq təchizatçıları sırasına daxil olacağı gözlənilir.
"Report"un Ukrayna bürosunun verdiyi məlumata görə, bu barədə Kiyevdə keçirilən "Petroleum Ukraine 2016" Beynəlxalq Neft-Qaz Konfransında "A-95 Konsaltinq qrupu" MMC-nin direktoru Sergey Kuyun bildirib.
"2015-ci ildə aviasiya yanacağı üzrə Ukraynanın ən böyük təchizatçıları "Ukrtatnafta", Belarus və digərləri olub. Bu gün isə bazarda vəziyyət dəyişib və proqnozlara görə, 2016-cı ildə Ukraynanın ən böyük aviasiya yanacağı təchizatçıları "Ukrtatnafta", Litva, Azərbaycan, İsrail, Türkmənistan və başqaları olacaq", - deyə S.Kuyun vurğulayıb.
Qeyd edək ki, "Petroleum Ukraine" Ukraynanın neft-qaz bazarının iştirakçılarının ən böyükillik konfransıdır. Konfransın təşkilatçısı "A-95 Konsaltinq qrupu" MMC-dir.


Tags:  Azərbaycan Ukraynanın böyük aviayanacaq təchizatçıları sırasına daxil olub

RƏYLƏR


Top news