Rusiyanın “Sputnik” beynəlxalq informasiya agentliyinin
direktoru, “Rossia 1” telekanalının aparıcı Dmitri Kisleyov
Ermənistan prezidenti Serj Sarkisyandan müsahibə
alacaq.
Publika.az xəbər verir ki, bu barədə Ermənistanın
“Qraparak” qəzeti yazıb.
Qəzetin məlumatına görə, müsahibə bu gün baş tuta bilər.
Qeyd edək ki, D. Kiselyov ötən ay Bakıda Azərbaycan prezidenti
İlham Əliyevlə müsahibə alıb. Həmin müsahibədə diqqətçəkən
məqamlardan biri Azərbaycan Prezidentinin “Dağlıq Qarabağa
Muxtariyyət verə bilərik, bundan artığını yox” deməsi idi.
Kremlin mediada “ağır topu” olaraq tanınan Kiselyovun Azərbaycan
liderindən sonra Sarkisyanla müsahibəyə getməsi diqqət çəkir.
Xüsusilə bunun cəbhədə gərginliyin artdığı, Azərbaycan Ordusunun
hərbi təlimlər keçirdiyi bir vaxtda baş verməsi maraqlıdır.
Asif
