Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanın yığmaları Avropa Millətlər Kubokunda iştirakdan imtina etdi

Azərbaycanın yığmaları Avropa Millətlər Kubokunda iştirakdan imtina etdi

Date: 15 November 2016 15:05

Azərbaycanın güləş üzrə yığmaları noyabrın 16-da Rumıniyanın paytaxtı Buxarestdə keçiriləcək Avropa Millətlər Kubokunda iştirakdan imtina edib. 

Milli.Az xəbər verir ki, bu barədə Report-a Rumıniya Güləş Federasiyasının baş katibi Alin Grigorie məlumat verib.

Onun sözlərinə görə, buna səbəb Azərbaycan yığmalarının 24-26 noyabrda Bakıda ümummilli lider Heydər Əliyevin xatirəsinə keçiriləcək "Qızıl Qran-Pri"nin final mərhələsinə yaxşı hazırlaşmaq istəmələridir.

Noyabrın 19-da başa çatacaq kubokda Almaniya, Türkiyə, Ukrayna, Belarus, Rusiya, Gürcüstan, Ermənistan və ev sahibi Rumıniya yığmaları mübarizə aparacaqlar. Noyabrın 18-də ilk olaraq mübarizəyə qadın güləşçilər və sərbəst güləş yığmaları qoşulacaqlar. Qadın güləşində Rumıniya, Ukrayna, Belarus, Rusiya və Almaniya komandaları, sərbəst güləşdə isə Rumıniya, Gürcüstan, Rusiya, Ukrayna və Belarus milliləri ilə yarışacaqlar.

Yarışın son günündə isə mübarizə yunan-Roma güləşi üzrə komandalar arasında baş tutacaq. Yunan-Roma güləşində Rumıniya, Rusiya, Ermənistan, Türkiyə və Ukrayna komandaları ilə mübarizə aparacaqlar.

Buxarest şəhərinin "Apollo Polyvalent" idman zalında keçiriləcək yarışlar Bakı vaxtı ilə saat 11:30-da başlayacaq. Final qarşılaşması isə saat 20:30-da baş tutacaq.

Milli.Az


Tags:  Azərbaycanın yığmaları Avropa Millətlər Kubokunda iştirakdan imtina etdi

RƏYLƏR


Top news