Aktual mövzular: Dollar alış-satışı , Hava haqqında, Məzənnə, Neftin qiyməti

Astroloji proqnoz - 16 noyabr

Astroloji proqnoz - 16 noyabr

Date: 16 November 2016 00:08

Qoç - xoşagəlməz fikirlər və təlaşlar sizi narahat etməsin. Situasiya nə qədər çətin, qarışıq olsa da, həll yollarını tapa bilərsiniz. Ruhdan düşməyin, təşvişə düşməyin.

Buğa - alış-veriş üçün uğurlu gündür. Maliyyə məsələlərində həssas olun. Kommersiya layihəsi və ya yeni işdə diqqətli davranın. Günün ikinci yarısında travma və qəza riski var. Uzaq, planlaşdırılmamış səfərə yollananlar xüsusilə diqqətli olmalıdır.

Əkizlər - mənəvi tarazlığa nail olaraq ətrafınız və aləmlə harmoniyanı hiss edə bilərsiniz. Aqressiyanın istənilən formalarından uzaq olsanız, ətrafınızdakı insanlar üçün çox iş görə biləcəyinizi anlayacaqsınız. Onlar da borclu qalmayacaqlar.

Xərçəng - yaxınlarınıza yardım edin, sevdiyiniz insanı sevindirin. Bu gün təmirə başlamaq, mebel və ya məişət texnikası almaq məsləhət deyil. Axşam saatlarını sevdiyiniz insanla keçirin.

Şir - son vaxtlar sizi narahat edən problemi həll edə bilərsiniz. Etibar etdiyiniz insanlarla dil taparaq gələcəklə bağlı planları müzakirə edin.

Qız - yaxınlarınız və ailə üzvlərinizlə münasibətlərinizdə ilk əvvəl kiçik, amma vaxt keçdikcə böyüyən anlaşılmazlıq ciddi qarşıdurmaya dönə bilər. Təmkinli, səbrli olun. Güzəştə gedin, humanistcəsinə davranın. Uzun səfərlər və səyahətlər üçün əlverişli gün deyil.

Tərəzi - qonaq qəbul edə bilərsiniz. Səhhətinizə fikir verin. Kəskin ağrılar riski var. Özünümüalicə ilə məşğul olmayın. Həkimlə məsləhətləşin.

Əqrəb - işgüzar məsələlərin həlli üçün uğurlu gündür. Yaşam potensialının səviyyəsi yüksəkdir, enerjiniz və ruhi qüvvəniz çoxdur. Uğura nail olmaq üçün bütün komponentlər var.

Oxatan - yeni, çətin və mürəkkəb işlər peyda olur. Fəqət, çəkinməyin və narahat olmayın: həmin işlərin öhdəsindən gələcəksiniz. Məqsədə doğru qətiyyətlə irəliləyin. Hansısa şəxs, hadisə və ya nəsnə sizə mane olmamalıdır.

Oğlaq - köçmək, təmirə başlamaq, şəraiti dəyişmək olar. Ailəniz və yaxınlarınız üçün faydalı nə isə etmək şansını əldən verməyin. əməyinizin bəhrələrindən razı qalacaqsınız. Dəvət aldığınız tədbirə yollanın, orada aktiv iştirakçı olun.

Dolça - bu gün böyük uğurlara nail olmaq xeyli çətinləşib. Bədxahlarınız və maskalanmış düşmənləriniz irəliləyişinizin qarşısını almaq üçün əllərindən gələni edirlər. Başa vurduğunuz işin və bitirdiyiniz səylərin nəticələrini mənimsəmək istəyənlərə mane olun.

Balıqlar - gün çox yorucu, emosional baxımdan mürəkkəbdir. Sizi ən kiçik məsələ, ən xırda olay təbdən çıxara bilər. Münaqişələrə rəvac olmamaq üçün təmas dairənizi məhdudlaşdırın.

Milli.Az


Tags:  Astroloji proqnoz 16 noyabr

RƏYLƏR


Top news