Aktual mövzular: Dollar alış-satışı , Hava, Məzənnə, Neftin qiyməti

Cəlilabadda torpaq sürüşməsi yenidən aktivləşib - FOTO

Cəlilabadda torpaq sürüşməsi yenidən aktivləşib - FOTO

Cəlilabadda sürüşmə - AVTOMOBİL YOLU ÇÖKDÜ (22 Mart 2017 11:18)
Cəlilabadda avtomobil yolunun bir hissəsi ÇÖKDÜ (22 Mart 2017 10:42)
Şabranda torpaq sürüşməsinə məruz qalan sakinlər çadırlara köçürülüb (10 Mart 2017 18:22)

Tarix: 16 Noyabr 2016 13:52

Son günlər Cəlilabad rayonunun dağlıq ərazilərində yerləşən bəzi yaşayış məntəqələrində torpaq sürüşmələri yenidən aktivləşib.

Milli.Az APA-ya istinadən bildirir ki, buna səbəb kimi son günlərdə bölgəyə normadan artıq yağıntının düşməsi göstərilir.

Rayonun Pərdi kəndi sürüşməyə daha çox məruz qalan yaşayış məntəqələrindən sayılır. Belə ki, kəndin ərazisindəki otlaq və əkin sahələrində yerin torpaq qatında iri çatlar əmələ gəlib, bəzi yerlər sürüşərək yararsız hala düşüb.
 
Yerli sakinlərin sözlərinə görə, ərazidə yağıntılar davam etdikcə sürüşmənin əhatə dairəsi də getdikcə genişlənir. Sürüşmənin baş verdiyi bəzi ərazilərdə isə texnikaların əkin sahələrində işləməsi mümkünsüz olub.
 
Cəlilabad-Yardımlı  avtomobil yolunda da əvvəlki təhlükə qalmaqdadır. Burada təpəlik ərazilərindən keçən sərt döngələrdə yolun kənarlarındakı torpaq layları sürüşərək şoseyə doğru hərəkət edir. Artıq yolun Pərdi kəndindən keçən hissəsində müxtəlif ərazilərdə  iri çatlar əmələ gəlib.
 
Qeyd edək ki, torpaq sürüşməsinin baş verdiyi ərazi Cəlilabad rayonunda sürüşmənin ən aktiv olduğu  zonalardan hesab olunur.

Milli.Az













Teqlər:  Cəlilabadda torpaq sürüşməsi yenidən aktivləşib FOTO



RƏYLƏR


Top xəbərlər