Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Azərbaycanlı müğənni həbs edildi - 12 il

Azərbaycanlı müğənni həbs edildi - 12 il

Date: 16 November 2016 14:37

Əslən azərbaycanlı olan tanınmış Türkmənistan müğənnisi Nazir Həbibov narkotik ittihamı ilə 12 il azadlıqdan məhrum edilib.

Milli.Az azadliq.org-a istinadən bildirir ki, o, istifadə etmək üçün dəfələrlə narkotik maddə əldə etməkdə ittiham olunur.

Kütləvi informasiya vasitələrinin məlumatına görə, hökumət nümayəndələri məhkəmədən sonra müğənninin həyat yoldaşı Rita ilə görüşüb və ondan heç kimə müsahibə verməməyi tələb ediblər.

Başqa bir məlumata görə isə avqustun 28-də Nazir Həbibovla yanaşı, başqa digər tanınmış müğənni Hacı Yazməmmədov da saxlanıb, amma bir müddət sonra o, sərbəst buraxılıb.

Nazir Həbibov bu yaxınlarda Türkmənistan dövlət televiziyasının efirində narkotik qəbul etməsini etiraf eləmiş və üzr istəmişdi.

Azərbaycanlı ailəsində doğulan Nazir Həbibovun həyat yoldaşı Rita da azərbaycanlıdır.

Türkmənistanda ən bahalı toy müğənnilərindən olan Nazir Həbibovun həm də çoxsaylı klip və albomları var.

Milli.Az


Tags:  Azərbaycanlı müğənni həbs edildi 12 il

RƏYLƏR


Top news