Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Əsir və girovluqda olan insanlar haqqında məlumat bazası yaradılıb

Əsir və girovluqda olan insanlar haqqında məlumat bazası yaradılıb

Date: 16 November 2016 14:57

Bakı. 16 noyabr. REPORT.AZ/ "Həsrət Yolu" Əsir və Girovlara Kömək İctimai Birliyi "Ermənistan-Azərbaycan Dağlıq Qarabağ münaqişəsi zamanı əsir və girov götürülümüş, işgəncə və qeyri-insani rəftara məruz qaldıqdan sonra azad edilmiş qaçqın və məcburi köçkünlərin beynəlxalq məhkəmələrə müraciətlərinin hazırlanması (l mərhələ)" layihəsi çərçivəsində görülən işlərin yekun təqdimatı ilə bağlı tədbir keçirib.
"Report"un məlumatına görə, birliyin sədri Esmira Orucova bildirib ki, Ermənistanın Azərbaycana qarşı hərbi təcavüzü nəticəsində hamılıqla qəbul olunmuş beynəlxalq humanitar hüquq normalarına zidd olaraq əsir və girov götürülmüş, işgəncə və qeyri-insani rəftara məruz qaldıqdan sonra azad edilən qaçqın və məcburi köçkünlərin hüquqlarının müdafiəsi üçün aidiyyəti üzrə beynəlxalq məhkəmələrə müraciətlərin hazırlanması layihənin əsas məqsədini təşkil edir: "Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən layihə 4 ay müddətində davam edib. Bu müddət ərzində Bakı və Abşeronda, eləcə də Beyləqan, Şamaxı və Şəki rayonlarında məskunlaşmış 100 nəfər əsir və girovluqdan azad edilən işğal olunmuş ərazilərin sakininin hər biri ilə fərdi qaydada görüşlər keçirilib, sorğular götürülüb. Bu məqsədlə ilk növbədə işğal olunmuş ərazilərin icra hakimiyyətlərində olduq, vaxtilə əsir və girovluqda olan və hazırda adları qeyd olunan rayonlarda məskunlaşan insanların siyahıları tərtib olunub və daha sonra anketə əsasən onlarla sorğular keçirilib. Öz istəkləri, məcburiyyət olmadan fotolar çəkilib. Əldə olunan materiallar əsasında onların hər biri haqqında məlumat bazası yaradılıb. Toplanan dəqiqləşdirici ifadələr təsnifatlandırılıb. Bu barədə ekspert rəyi hazırlanıb. Əldə olunan faktlara əsasən demək olar ki, Ermənistan tərəfi bu sahədə mövcud olan beynəlxaq hüquq və konvensiyaların, protokolların heç birinə əməl etməyib".
Onun sözlərinə görə, beynəlxalq aləmə əsir və girovluqda olan insanlara qarşı ermənilərin törətdiyi işgəncə faktlarını çatdırmaq, müraciətlərin məhkəmələrə hazırlanması işini davam etdirmək məqsədilə layihənin ll mərhələsinin gələcəkdə davam etdirilməsi labüddür: Çalışdığım  AMEA Hüquq və İnsan Haqları İnstitutunda geniş bir qrup erməni terrorizminin, erməni yalanlarının elmi müstəvidə araşdırılması ilə məşğul olur. Əsil erməni tarixi onların kilsələrində saxlanılır, amma yalan yazılmış saxta tarix ictimaiyyətə çatdırılır".
E.Orucova qeyd edib ki, Beynəlxalq Qırmızı Xaç Komitəsi (BQXK) təmsil etdiyi birliklə əməkdaşlıq etmir: "BQXK bizə Azərbaycanda olan erməni əsir və girovlarını axtarmaqla bağlı əməkdaşlıq təklif etdi. Onlar başa düşmür ki, Azərbaycanda erməni əsiri yoxdur. Onlar ermənipərəst beynəlxalq donorların maliyyələşdirdiyi QHT-lərlə işləyirlər". 


Tags:  Əsir girovluqda olan insanlar haqqında məlumat bazası yaradılıb

RƏYLƏR


Top news