Bakı. 16 noyabr. REPORT.AZ/ Almaniyanın kansleri Angela Merkel Xristian-Demokrat İttifaqı adından ölkənin xarici işlər naziri Frank-Valter Ştaynmayerin rəsmi olaraq prezidentliyə namizədliyini irəli sürüb.
“Report” “RİA Novosti”yə istinadən xəbər verir ki, bunu partiyanın sədri Angela Merkel noyabrın 16-da bəyan edib.
“Mən şadam ki, 3 partiyanın sədrləri sizi “böyük koalisiya” adından prezidentliyə namizədliyinizi irəli sürürük. Frank-Valter Ştaynmayer Almaniya vətəndaşlarının çoxu tərəfindən dəstəklənəcək doğru namizəddir. Çünki insanlar hiss edir ki, ona inana bilərlər”, - deyə Angela Merkel vurğulayıb.
Qeyd edək ki, ölkə prezidenti Yoahim Qaukun səlahiyyət müddəti 2017-ci ilin martında başa çatır.
Xatırladaq ki, Ştaynmayer Xristian-Demokrat, Sosial-Demokrat və Xristian-Sosial İttifaqı partiyaları tərəfindən prezidentliyə namizəddir.
