Aktual mövzular: Dollar alış-satışı , Hava haqqında, Məzənnə, Neftin qiyməti

Donald Trampın energetika siyasəti OPEC sammitini iflasa uğrada bilər

Donald Trampın energetika siyasəti OPEC sammitini iflasa uğrada bilər

Date: 16 November 2016 19:07

Bakı. 16 noyabr. REPORT.AZ/ ABŞ-ın yeni seçilmiş prezidenti Donald Trampın seçkilərdən sonra dərc olunan strategiya proqramında ABŞ-ın enerji mənbələrinin idxalından asılılığını aradan qaldırmaq üçün "energetik inqilab" edəcəyi bildirilib. 
"Report" "Reuters" agentliyinə istinadən xəbər verir ki, proqramda ABŞ-ın dünyanın hər hansı digər ölkəsindən daha çox neft, qaz və kömür ehtiyatlarına malik olduğu, bu resursların iqtisadi artım üçün trilyon dollarlarla xeyir gətirəcəyi və çox sayda yeni iş yerlərinin açılacağına səbəb olacağı qeyd olunub. Yeni prezident ABŞ-ın enerji mənbələrinin ixracatçısına çevriləcəyini bildirib. Hazırda ABŞ-da mövcud olan amerikalı təbii ehtiyat istehsalçılarına tətbiq olunan məhdudiyyətlər qaldırılaraq energetika sektorunun inkişafı stimullaşdırılacaq. Bunun üçün federal şelflərdə federal torpaqların icarəsi və hasilata icazə veriləcək. 
"Fitch" beynəlxalq reytinq agentliyinə bağlı olan BMI araşdırma şirkətinin analitiklərinin fikrincə, ABŞ-da şist neft hasilatı gündəlik 8,5 mln. barel hədəfini artıq 2017-ci ildə ötə bilər. 
"Reuters"in verdiyi xəbərə görə, OPEC üzvü olan ölkələrdən birinin nümayəndəsi, Donald Trampın seçilmısindən sonra "Neft bazarında vəziyyətin pisləşməsi qaçılmazdır" - fikrini irəli sürüb.
"Report"un analitik qrupu noyabrın 30-da Vyanada gözlənilən OPEC sammitində neft hasilatçısı ölkələrin hasilatın məhdudlaşdırılması barədə qərar qəbul edə bilməyəcəyini ehtimal edir. Buna səbəb, hasilatın azaldılması nəticəsində yaranan neft tələbinin ABŞ istehsalçıları tərəfindən təmin edilməsi və nəticədə bazar payının ABŞ istehsalçıları lehinə dəyişməsidir. Bundan başqa, OPEC-ə üzv ölkələr arasında fikir ayrılığı və digər hasilatçı ölkələrdən hasilat məhdudiyyətinə qoşulmamaq barədə gələn açıqlamalar noyabrın 30-da baş tutacaq sammitin gərgin keçəcəyini göstərir. 


Tags:  Donald Trampın energetika siyasəti OPEC sammitini iflasa uğrada bilər



RƏYLƏR


Top news