Azərbaycan Prezidenti İlham Əliyev Dağlıq Qarabağ
münaqişəsi ilə bağlı danışıb və münaqişənin həlli yolunu növbəti
dəfə göstərib. Ermənistan prezidenti Serj Sarkisyan təmas xəttində
hadisələrə operativ reaksiya verilməsi üçün Bakı və İrəvan arasında
“qaynar xətt”in yaradılmasını təklif edib. Rusiya Suriyada
müxalifət güclərinə qarşı hava əməliyyatlarını yeniləyib. Avropada
ifrat sağçıların mövqeləri möhkəmlənir. ABŞ İrana qarşı
sanksiyaların müddətini daha 10 il uzadıb.
İlham Əliyev: “Azərbaycanın ərazi bütövlüyü digər
ölkələrin ərazi bütövlüyü qədər dəyərlidir"
Dünya Xəbər Agentliklərinin V Konqresinin, Asiya və
Sakit Okean Ölkələri İnformasiya Agentlikləri Təşkilatının (OANA)
XVI Baş Assambleyasının birgə açılış mərasimində çıxış edən
Azərbaycan Prezidenti bir daha vurğulayıb ki, Dağlıq Qarabağ
münaqişəsi Azərbaycanın ərazi bütövlüyü çərçivəsində həll
olunmalıdır: "Çünki Azərbaycanın ərazi bütövlüyü
digər ölkələrin ərazi bütövlüyü qədər dəyərlidir. Keçmiş sovet
məkanında münaqişələrin ərazi bütövlüyü çərçivəsində həlli pinsipi
Dağlıq Qarabağ münaqişəsinə də tətbiq edilməlidir".
Dövlət başçısı Dağlıq Qarabağın Azərbaycanın əzəli torpağı
olduğunu bildirib: "SSRİ dövründə Azərbaycanın muxtar vilayəti olan
Dağlıq Qarabağ və 7 rayon işğal edilib, 1 milyondan çox
azərbaycanlı qaçqın və məcburi köçkün vəziyyətinə düşüb. Ermənistan
tərəfindən etnik təmizlənmə aparılıb. BMT Təhlükəsizlik Şurasının 4
qətnaməsində işğalçı erməni qoşunlarının işğal edilmiş ərazilərdən
çıxarılması tələbi qoyulub. Ancaq Ermənistan bu tələbləri vecinə
almır. Təhlükəsizlik Şurasının qətnamələrinin icrası ilə bağlı
mexanizmlərə baxılmalıdır. Bir çox halda BMT Təhlükəsizlik
Şurasının qətnamələri bir neçə gün ərzində həyata keçirilir, bəzi
qətnamələrin icrası isə illərlə çəkir”.
Azərbaycanın xarici işlər naziri Elmar Məmmədyarov
Fransaya işgüzar səfər edəcək. Nazir noyabrın 17-də fransalı
həmkarı Jan-Mark Eyrol ilə görüşdə Dağlıq Qarabağ münaqişəsini
müzakirə edəcək.
Bakı ilə İrəvan arasında “qaynar xətt”: YENİ
TƏKLİF
Ermənistan prezidenti Serj Sarkisyan təmas xəttində
hadisələrə operativ reaksiya verilməsi üçün Bakı və İrəvan arasında
“qaynar xətt”in yaradılmasını təklif edib.
S.Sarkisyan “Rusiya bu gün” agentliyinin rəhbəri Dmitri Kiselyova
müsahibəsində deyib ki, “qaynar xətt” yaradılarsa, hadisələrə
operativ reaksiya vermək mümkün olar.
“1990-cı illərdə belə bir təşəbbüs olub. O zaman mən müdafiə naziri
idim və Azərbaycan müdafiə naziri ilə təcili əlaqə qurmaq lazım
olanda, biz bunu edə bilirdik. Lakin bu gün elə bir əlaqə yoxdur”,
- deyə o, bildirib.
“Azərbaycan Ordusunun Qarabağda önü açılıb” –
SARKİSYANDAN ETİRAFLAR
“Azərbaycan Ordusu sadəcə piyada qoşunla və sadə
avtomatla Qarabağa daxil olub istədiyinə nail ola
bilər”.
Bu barədə erməni politoloq Manvel Sarkisyan deyib. Onun sözlərinə
görə, Azərbaycan ərazilərin qaytarılması üçün müharibə variantından
heç vaxt imtina etməyib.
“Azərbaycan Ordusunun Qarabağda önü açılıb” – SARKİSYANDAN ETİRAFLAR
“Azərbaycan Ordusu sadəcə piyada qoşunla və sadə avtomatla Qarabağa daxil olub istədiyinə nail ola bilər”.
Azərbaycan BMT-də Krımla bağlı qətnamənin lehinə səs
verdi
Ukrayna çərşənbə axşamı BMT Baş Assambleyasının III
Komitəsində Krımda insan haqlarının pozulması ilə bağlı vəziyyəti
pisləyən və Rusiyanı yarımadaya beynəlxalq müşahidəçiləri buraxmağa
çağıran qətnamənin qəbul etdirilməsinə nail olub.
Sənədin lehinə 73 ölkə, o cümlədən Böyük Britaniya, ABŞ,
Azərbaycan, Gürcüstan və Avropa İttifaqı ölkələri səs veriblər.
Rusiya, Ermənistan, Belarus, Venesuela, Çin, KXDR, Hindistan,
İran, Qazaxıstan, Serbiya, Suriya, Özbəkistan da daxil olmaqla 23
ölkə sənədin əleyhinə səs verib.
Rusiya və Ermənistan arasındakı Vahid Hərbi
Birləşmələrin yaradılması ilə bağlı razılaşma çərçivəsində
Ermənistanın 4-cü korpusu vahid orduya qatılacaq.
4-cü korpusun yerləşdiyi ərazi diqqət çəkir.
Ermənistan mediasının məlumatına görə, bu korpus Naxçıvanla
sərhəddə olan “Vayos Dzore” ərazisində yerləşir. Həmçinin, bura
Dağlıq Qarabağ bölgəsinə yaxındır.
Vahid Hərbi Birləşmələrin yaradılması ilə bağlı razılaşmaya əsasən,
dinc şəraitdə vahid ordu Ermənistanın Baş qərargahına, müharibə
şəraitində isə Rusiya Müdafiə Nazirliyinin Cənub hərbi dairəsinə
tabe olacaq. Belə görünür ki, Qarabağda hər-hansı müharibə zamanı
Ermənistan ordusuna əsas nəzarət Rusiyanın əlində olacaq. Vahid
orduya həmçinin, Rusiyanın Gümrüdəki 102-ci hərbi bazası
daxildir.
Suriya müxalifəti belə vuruldu: Rusiya donanması
tarixində ilk
Rusiya Aralıq dənizinə göndərdiyi “Admiral
Kuznetsov” gəmisindən qalxan təyyarələr və digər gəmilərdən atılan
raketlərlə Suriyada müxalifət güclərinə ilk zərbələri
endirib.
Rusiyanın müdafiə naziri Sergey Şoyqu “Admiral Kuznetsov”un rus
donanması tarixində ilk dəfə döyüş əməliyyatlarına qatıldığını
deyib.
Müdafiə naziri İdlib və Xüms vilayətlərində müxalifət güclərinin
silah-sursat anbarları, təlim düşərgələri və silah fabriklərini
hədəf alacaqlarını bildirib. Şoyqu “Admiral Kuznetsov”dan qalxan
təyyarələrin Hələbə hər hansı hücumundan isə bəhs etməyib.
Rusiya xarici işlər nazirinin müavini Sergey Ryabkov isə bütün
zərbələrin yoxlanılmış və nöqtəvi olduğunu vurğulayıb. O, vurulan
hədəflərin Hələbdə olmadığını bildirib.
Suriya müxalifəti belə vuruldu: Rusiya donanması tarixində ilk - VİDEO
Rusiya Aralıq dənizinə göndərdiyi “Admiral Kuznetsov” gəmisindən qalxan təyyarələr və digər gəmilərdən atılan raketlərlə Suriyada müxalifət güclərinə ilk zərbələri endirib.
Bombardmanların Rusiya prezidenti Vladimir Putinin
ABŞ-ın yeni prezidenti Donald Trampla telefon danışığından bir neçə
saat sonra başlaması diqqət çəkir.
Putin-Tramp danışığı bombardmanla bitdi - VİDEO
İlk zərbələr Hələbin şərqində mövqe tutan müxalifət qüvvələrinə endirilib.
PKK terror təşkilatının Suriya qolu olan PYD isə
Suriyanın Münbic şəhərindən Fərat çayının şərqinə çəkiləcəyini
açıqlayıb.
Əsəddən Trampa ilk MESAJ
Suriya prezidenti Bəşər Əsəd isə ABŞ-ın yeni seçilən
prezidenti Donald Trampa ilk mesajını göndərib.
O, Portuqaliyanın RTP kanalına müsahibəsində ABŞ-la müttəfiq ola
biləcəklərini deyib.
“Trampın nə edəcəyinə dair hələ bir şey söyləyə bilmərik. Amma
əgər terrorçularla döyüşərsə, təbii ki, Rusiya, İran və digər bir
çox ölkələr kimi müttəfiqimiz olar. Trampın Suriya ilə bağlı
söylədikləri ümidvericidir, amma bunları həyata keçirə bilərmi?
Ölkə rəhbərliyindəki əks qüvvələrlə, mediada ona qarşı çıxanlarla
necə mübarizə aparacaq? Buna görə də vədlərini yerinə
yetirib-yetirməyəcəyini bilmirik”, - deyə Bəşər Əsəd söyləyib.
Suriya prezidentinin sözlərinə görə, ABŞ özünü dünya jandarmı
hesab edir. Amma Əsəd bunun belə olmadığını bildirib.
Ötən həftə “Wall Street Journal” nəşrinə müsahibə verən Donald
Dəməşq rejiminə qarşı döyüşən müxalifətə edilən yardımın kəsilə
biləcəyinə eyham vurub. O, həmçinin Əsədi kifayət qədər sevmədiyini
vurğulayıb.
ABŞ-dan İrana şok: 10 il uzadıldı…
ABŞ Nümayəndələr Palatası İrana qarşı sanksiyaların daha
10 il müddətinə uzadılmasına səs verib. Nümayəndələr
Palatasının 419 üzvü sanksiyaların uzadılmasını dəstəkləyib.
Qanun layihəsi təsdiqlənməsi üçün Konqresin yuxarı palatasına –
Senata təqdim ediləcək.
Qərbi məhv edəcək YEDDİ ADAM
ABŞ-da prezident seçkilərində Donald Trampın qələbə
qazanması Avropada sağçıları sevindirib. Təsadüfi deyil ki, Trampı
Avropada ilk təbrik edən siyasətçi Fransanın ifrat sağçı – “Milli
Cəbhə” Partiyasının lideri Marine Le Pen olub.
“The Independent” nəşri Avropa ölkələrində 2017-ci ildə
seçkilərlə hakimiyyətə gələcəyinə ümid edən “radikal sağçılar və
sentristlər”in siyahısını təqdim edir. Siyahıda 7 siyasətçinin adı
yer alıb.
Qərbi məhv edəcək YEDDİ ADAM
ABŞ-da prezident seçkilərində Donald Trampın qələbə qazanması Avropada sağçıları sevindirib.
Rusiya Ukraynanın eks-prezidenti Viktor Yanukoviçin
Kiyev tərəfindən dindirilməsinə icazə göstərib.Bunu
jurnalistlərə açıqlamasında Yanukoviçin vəkili Vitali Serdyuk
söyləyib.
Onun sözlərinə görə, Yanukoviç Maydan hərəkatı zamanı
aktivistlərin öldürülməsi üzrə cinayət işi ilə əlaqədar
dindiriləcək. O, dindirilmənin videokonfrans şəklində baş
tutacağını bildirib.
Qeyd edək ki, 2014-cü ilin fevralında Maydan hərəkatının
qələbəsindən sonra Yanukoviç Ukraynadan qaçaraq, Rusiyaya sığınıb.
Moskva Yanukoviçi Kiyevə ekstradisiya etməkdən imtina edir.
İstanbul üçün qorxunc PROQNOZ: 90 min ölü, 135 min
yaralı, sunami...
İstanbulda güclü zəlzələ olacağı barədə alimlərin
proqnozları İstanbul Böyükşəhər Bələdiyyə Məclisinin də gündəminə
keçib.
İstanbul Böyükşəhər Bələdiyyə Məclisində Ədalət və İnkişaf
Partiyasının (AKP) nümayəndəsi Faruk Aydın 7,5 və ya 7,7 ballıq
zəlzələ baş verəcəyi halda, böyük itkilərin olacağını bildirib.
Onun sözlərinə görə, bu halda 70-90 min insan öləcək, 135 min
insan ağır yaralanacaq.
İstanbul üçün qorxunc PROQNOZ: 90 min ölü, 135 min yaralı, sunami...
İstanbulda güclü zəlzələ olacağı barədə alimlərin proqnozları İstanbul Böyükşəhər Bələdiyyə Məclisinin də gündəminə keçib.
Türkiyənin İsrailə təyin etdiyi səfirin adı məlum
olub.
Türkiyə prezidenti Rəcəb Tayyib Ərdoğan Xarici İşlər
Nazirliyinin məsləhətçisi Kamal Ökemin İsrailə səfir təyin
edildiyini bildirib. Dünən isə İsrail Türkiyəyə yeni səfir təyin
edib. Təl-Əvivin Ankaradakı maraqlarını Eitan Naeh qoruyacaq.
Obamanın səfəri ölkəni qarışdırdı, ABŞ bayrağı
yandırıldı
Yunanınstanın Afina və Salonik şəhərlərində ABŞ
prezidenti Barak Obamanın səfərinə qarşı etiraz aksiyaları
keçirilib.
Etiraz aksiyalarının iştirakçıları polislərə “Molotov
kokteylləri” atıb. Polis onları dayandırmaq üçün gözyaşardıcı qaz
tətbiq etməli olub. Afinada keçirilən aksiyalara 7 minə qədər insan
qatılıb. Aksiya iştirakçıları ABŞ-ın dövlət bayrağını
yandırıblar.
Obamanın səfəri ölkəni qarışdırdı, ABŞ bayrağı yandırıldı – VİDEO
Yunanınstanın Afina və Salonik şəhərlərində ABŞ prezidenti Barak Obamanın səfərinə qarşı etiraz aksiyaları keçirilib.
Ömər Dağlı
Xəbərin orijinal ünvanı: http://publika.az/news/nida/176196.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)