Müğənni Rikki Martin həmkarı Cvan Yusef ilə nişanlanıb.
Axşam.az-ın xarici KİV-ə istinadən məlumatına görə, bu barədə müğənni özü iştirak etdiyi şou proqramlardan birində deyib. Onun sözlərinə görə, bir ilə yaxındır sevgi münasibəti saxladığı Cvana ilk evlilik təklifini də Rikki edib.
"Mən ona üzük verib soruşdum ki, mənimlə evlənməyə razıdır, ya yox. Ondan müsbət cavab aldım. Yusef uşaqları da çox sevir. Onun bu xüsusiyyəti çox xoşuma gəlir. O, mənim oğullarım Matteo və Valentino ilə də yola gedir", - deyə musiqiçi bildirib.
Qeyd edək ki, Rikki Martin seksual orientasiyası barədə 2010-cu ildə etiraf edib. 
