Aktual mövzular: Dollar alış-satışı , Hava haqqında, Məzənnə, Neftin qiyməti

"Daşkəsən Filizsaflaşdırma" özəlləşdirməyə çıxarılıb

"Daşkəsən Filizsaflaşdırma" özəlləşdirməyə çıxarılıb

Date: 17 November 2016 10:02

Bakı. 17 noyabr. REPORT.AZ/ Əmlak Məsələləri üzrə Dövlət Komitəsi (ƏMDK) “Daşkəsən Filizsaflaşdırma” ASC-nin səhmlərinin 99,22%-nin satışı üzrə investisiya müsabiqəsi elan edib. Bu barədə "Report" rəsmi mətbuata istinadən xəbər verir. 
Məlumata görə, müəssisənin səhmlərinin qalan 0,78%-lik hissəsini əmək kollektivinin üzvləri güzəştli satiş vasitəsilə alıb. 
Müsabiqədə yerli investorlarla yanaşı, xarici investorlarda iştirak edə bilər. Müəyyən edilmiş şərtlər daxilində investisiyanın maksimum həcmi və onun səmərəli qoyuluşuna dair daha əlverişli təkliflər təqdim edən iddiaçıya üstünlük veriləcək. İddiaçı qalib gələcəyi təqdirdə müsabiqənin şərt və tələblərinin icra olunacağına təminat verən 10 milyon manatlıq behi ƏMDK-ya ödəməlidir. Qalib gələn iddiaçının ödədiyi məbləğ şərtin yerinə yetirilməsi zamanı nəzərə alınacaq. 
İddiaçılar təkliflərini dekabrın 19-u saat 10:00-dən 17:30-a qədər Komitənin inzibati binasına (Bakı şəhəri, Yusif Səfərov küçəsi, 50 ünvanına) təqdim etməlidirlər. Müsabiqə Komissiyası təkliflərə dekabrın 20-si saat 14:00-da baxacaq. Müsabiqə nəticələri haqqında protokol qalib müəyyən olunduqdan sonra 3 gün ərzində təsdiq olunacaq.


Tags:  Daşkəsən Filizsaflaşdırma özəlləşdirməyə çıxarılıb

RƏYLƏR


Top news