Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"O qədər pis idim ki, evdən çıxmaq istəmirdim" - Hillari Klinton danışdı - VİDEO - FOTO

"O qədər pis idim ki, evdən çıxmaq istəmirdim" - Hillari Klinton danışdı - VİDEO - FOTO

Date: 17 November 2016 10:32

"Prezident seçkilərində məğlubiyyətim mənə çox pis təsir etdi. O qədər pis idim ki, evdən eşiyə çıxmaq istəmirdim".

ABŞ-da keçirilmiş prezident seçkilərində məğlub olmuş sabiq dövlət katibi Hillari Klinton noyabrın 8-dən sonra ilk nitqini söyləyib.

Milli.Az CNN-ə istinadən bildirir ki, "Uşaqların Müdafiə Fondunun" (Children's Defense Fund, CDF) Vaşinqtonda keçirdiyi qala-gecəsində H.Klinton səhnəyə dəvət olunub.

O, öncə fondun banisi və rəhbəri Merian Rayt Edelmana təşəkkür edib, onun fəaliyyətindən ruhlandığını deyib.

Daha sonra o deyib: "Prezident seçkilərində məğlubiyyətim məni ruhdan saldı. Ötən həftə elə anlar olurdu ki, hər şeydən kənar duraraq evdə qalmaq, yaxşı kitab oxumaq və ya itlərimlə qalmaq, heç bir zaman küçəyə çıxmamaq istəyirdim. Buraya gəlmək də mənimçün asan olmadı".

Hillari Klinton anası Doroti Rodemdən də danışıb.

"Anam bir gün prezident olacağımı deyirdi. Lakin o vəfat etdi, prezident seçkilərinə qatıldığımı görmədi. Anam yeniyetmə olanda valideynləri onu bacısı ilə birlikdə doğma İllinoysdan Kaliforniyaya, nənəsinin və babasının yanına yollamışdılar. Nənə və baba anamla çox kobud rəftar edirdilər. Həmin anlarda anam Dorotinin yanında olmaq, nəyə nail olduğumu, ailəmin məni nə qədər sevdiyini göstərmək istərdim. Övladlarımız, ailəmiz və ölkəmiz üçün çox işlər görməliyik. Sizdən bizimlə qalmağı, bütün səviyyələrdə əməkdaşlığı davam etdirməyi rica edirəm. Siz, enerjiniz, ambisiyalarınız, istedadınız bizə, Amerikaya gərəkdir. Bütün bunların sayəsində çətinlikləri dəf edəcəyik", - H.Klinton deyib.

ABŞ-da keçirilmiş prezident seçkilərində Donald Tramp qalib gəlib. Respublikaçı milyarder 290 seçici səsi toplayıb, Hillari Klinton isə 232 belə səsə yiyələnib. Halbuki, Klintona 62 milyon, Trampa isə 61 milyon amerikalı səs vermişdi. Lakin Birləşmiş Ştatlarda seçki sisteminin ikipilləli olmasından olayı Tramp qalib sayılıb. Seçkilərin nəticələrinə görə, Demokrat Partiyası Konqres və Ali Məhkəmədə də çoxluqdan məhrum olub.

Milli.Az















Tags:  pis idim evdən çıxmaq istəmirdim Hillari Klinton danışdı VİDEO FOTO

RƏYLƏR


Top news