Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

"Globe Soccer" versiyası üzrə ilin ən yaxşıları

"Globe Soccer" versiyası üzrə ilin ən yaxşıları

Date: 17 November 2016 13:27

"Globe Soccer Awards" versiyası adına namizədlərin siyahısı açıqlanıb. 


"Report"un məlumatına görə, ən yaxşı futbolçu adına namizədlər siyahısında İngiltərənin "Lester" klubunun hücumçusu Ceymi Vardi, İtaliya "Yuventus"unun hücumçusu Qonsalo İquain, İspaniyanın "Real Madrid" klubunun futbolçuları Kriştianu Ronaldu, Qaret Beyl, "Barselona"dan Lionel Messi və "Atletiko"dan Antuan Qrizmann yer alıb.


"Real Madrid"dən Zinəddin Zidan, "Lester"dən Klaudio Ranyeri, Portuqaliya yığmasından Fernandu Santuş, "Yuventus"dan Massimiliano Alleqri, Fransa PSJ-sindən isə Unay Emeri ilin baş məşqçisi adı uğrunda mübarizə aparacaq.


İlin klubu seçiləcək komandalar siyahısında "Real Madrid"in, "Lester"in, "Sevilya"nın, Norveç "Molde"sinin və Polşa "Legiya"sının adı var. İlin ən yaxşı hakimi adına namizədlər isə irlandiyalı Alireza Faqani, qambiyalı Bakari Qassama, argentinalı Nestor Pitana, salvadorlu Xoel Agilar və ingiltərəli Mark Klattenburqdur.


Mükafatlar 27-28 dekabrda Dubayda keçiriləcək mərasimdə sahiblərini tapacaq.


Qeyd edək ki, "Globe Soccer" 2010-cu ildə Avropa Futbol Agentləri Assosiasiyası (EFAA) və Avropa Klubları Assosiasiyası (ECA) tərəfindən təsis olunub.



Tags:  Globe Soccer versiyası üzrə ilin yaxşıları

RƏYLƏR


Top news