Aktual mövzular: Dollar alış-satışı , Hava haqqında, Məzənnə, Neftin qiyməti

Rekord 5 terabayt tutumlu portativ sərt disk təqdim edilib

Rekord 5 terabayt tutumlu portativ sərt disk təqdim edilib

Date: 17 November 2016 13:35

“Seagate” şirkəti istifadəçilərin 5 terabayt tutumlu məlumatı özləri ilə daşımasına imkan yaradıb. Şirkətin “Backup Plus” seriyasından təqdim etdiyi yeni portativ sərt disk məhz belə tutuma malikdir.

“ICTnews” Elektron Xəbər Xidməti “Vesti” resursuna istinadən yazır ki, bu tutum ənənəvi (USB-C
 interfeysi ilə yox) forum-faktorda “USB 3.0” interfeysi ilə qoşulan və əlavə enerji tələb etməyən kənar sərt disklər üçün rekord göstərici hesab edilir. Portativ qurğuda yeni terabaytlıq 2,5 düymlük plastinlərdən istifadə edən "BarraCuda” sərt diski yerləşdirilib.

Sərt disk lokal kompüter, mobil qurğular, “bulud” servisləri və sosial şəbəkələrdən məlumatların arxivləşdirilməsini sadələşdirən “Seagate Dashboard” proqram təminatı ilə təchiz edilib. "macOS” sistemi istifadəçiləri üçün “NTFS” drayverlər təklif olunur.

Qırmızı, gümüşü, qara və göy rəngli alümin korpusa malik diskin ABŞ-da qiyməti 190 dollar təşkil edir.
 
Nizam Nuriyev 



Tags:  Rekord terabayt tutumlu portativ sərt disk təqdim edilib



RƏYLƏR


Top news