Tanınmış aparıcı Lətafət Ələkbərovanın "Anamı həkimlər öldürüb" iddiası dünəndən bəri müzakirə obyektinə çevrilib.
Publika.az xəbər verir ki, aparıcının anası 14 noyabr tarixində gözündə mirvari suyu olduğu üçün əməliyyat olunub. Əməliyyat Daxili İşlər Nazirliyinin A.Heydərov adına Respublika Hospitalında həkim Yaşar Nəzərov tərəfindən keçirilib.
Daxili İşlər Nazirliyinin A.Heydərov adına Respublika
Hospitalının oftalmoloqu Yaşar Nəzərov aparıcının bu
iddialarınacavab verib: "Əməliyyat 14 noyabrda keçirilib. Öncə
Lətafət xanıma baş sağlıq verirəm. Ancaq onun anasının əməliyyatı
zamanı həkimlik bir problem olmayıb. 30 ildir ki, bu sahədə
çalışıram, ancaq hələ belə bir hadisə ilə rastlaşmamışam. 15-20
dəqiqə əməliyyat keçdi, xanım özünü çox yaxşı hiss edirdi. Sadəcə
əməliyyatdan sonra vəziyyəti pisləşdi. Gətirdik palataya, soruşdum
xala necəsən ... Allahın işidir, vallah mən nə deyim. Hər iki
oğlunun icazəsi ilə əməliyyat olundu. Oğullarının razılıq ərizələri
də biz də var. Anlayıram Lətafət xanım acı çəkir, anasını itirib.
Amma həkimi günahlandırması əsassızdır. 55 yaşım var, iki gündür
yatmıram. İlk dəfədir belə bir şey olub, mən də stress keçirtmişəm.
Mən naşı həkim deyiləm. Naşılıq o olar ki, 1-2 il bu sahədə olan
adam ilk dəfə nə isə əməliyyat etsin, əməliyyat zamanı da əlinin
altında hansısa nöqsan ucbatından xəstə ölsün ... Amma mən işimin
peşəkarıyam".
Qeyd edək ki, dünən L. Ələkbərova açıqlamasında anasının ölümündə
həkim Yaşar Nəzərovu günahlanıdırb: "Mən istəmirdim anam əməliyyat
olunsun. Məndən gizlin gedib əməliyyat keçirtdi. Mən ona daha yaxşı
həkim tapmışdım. Daxili İşlər Nazirliyinin A.Heydərov adına
Respublika Hospitalında gözündə mirvari suyu olduğu üçün əməliyyat
olunub. Həkimlə də danışmışam. Dəqiq bilmirəm nədən rəhmətə gedib.
İndi çox pisəm, anamı itirmişəm. Anamın qanında hepatit B çıxıb.
Asması var idi, şəkər idi". (Big.az)