Vaxtilə Türkiyə Super Liqasında çıxış etmiş “Kayseri Ərciyəsspor” dağılmaq ərəfəsindədir.
Publika.az xəbər verir ki, bu barədə məlumatı Türkiyə mətbuatı yayıb. 2014/15 mövsümündə Super Liqadan 1-ci liqaya, ötən mövsüm isə 2-ci liqaya düşən Kayseri təmsilçisi ciddi maliyyə böhranı keçirir. Noyabrın 21-də keçiriləcək konqresdə komandaya yiyə duran tapılmasa, klub tarixin yaddaşına köçəcək.
“Kayseri Ərciyəsspor”un əsası 1932-ci ildə qoyulub. “Göy-qaralar” 2007/08-ci il mövsümündə UEFA kubokunun iştirakçısı olub. Kayseri təmsilçisi ilk mərhələdə Təl-Əviv “Makkabi”sini mübarizədən kənarlaşdırsa da (1:1, 3:1), növbəti mərhələdə Madrid “Atletiko”suna uduzmuşdu (0:5, 0:4).
