Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

SOCAR Rumıniyada 35-ci yanacaqdoldurma məntəqəsini istifadəyə verib

SOCAR Rumıniyada 35-ci yanacaqdoldurma məntəqəsini istifadəyə verib

Date: 18 November 2016 12:32

Buxarest. 18 noyabr. REPORT.AZ/ Bu gün Rumıniyanın İlfov rayonunda “SOCAR” brendi altında sayca ikinci yanacaqdoldurma məntəqəsi istifadəyə verilib. 
"Report"un Şərqi Avropa bürosunun məlumatına görə, sözügedən məntəqə Buxarest dairəvi yolunda, Türkiyə-Macarısan magistralı üzərində yerləşir.
Bununla da Rumıniyada “SOCAR” brendi altında fəaliyyət göstərən YDM-lərin sayı 35-ə çatıb.

Rəsmi açılışı bildirən qırmızı lent kəsildikdən sonra yanacaqdoldurma məntəqəsi istifadəyə verilib.
4 kiçik nəqliyyat vasitəsi və 2 iri tutumlu yük maşınının eyni anda yanacaqla təmin edilməsi üçün şərait yaradılan məntəqədə 3 sayğac quraşdırılıb.
Burada NANO 95 və NANO 98 (benzin), NANO Dizel və NANO Super Dizel tipli yanacaq məhsullarının satışı həyata keçirilir. Məntəqədə 13 yeni iş yeri açılıb.
Burada müştərilərə “Nar” kafedə ənənəvi Azərbaycan məhsulları təqdim edilir. Həmçinin 24 saat pulsuz internet xidməti də mövcuddur.
Xatırladaq ki, SOCAR Rumıniyanın artıq 17 rayonunda yanacaqdoldurma məntəqələrinə malikdir.




Tags:  SOCAR Rumıniyada 35-ci yanacaqdoldurma məntəqəsini istifadəyə verib


RƏYLƏR


Top news