Türkiyədə dolların məzənnəsi yeni rekord həddə çatıb

Türkiyədə dolların məzənnəsi yeni rekord həddə çatıb
12:57 18 Noyabr 2016
Ölkə mətbuatı
A- A+

Bakı. 18 noyabr. REPORT.AZ/ Türkiyədə ABŞ dollarının məzənnəsi 3,40 lirə həddini keçərək tarixi maksimal səviyyəyə çatıb. "Report" xəbər verir ki, buna səbəb dünən, noyabrın 17-də ABŞ Federal Ehtiyat Sisteminin (FES) rəhbəri Cannet Yellenin Senat və Konqresdəki açıqlamaları olub. Belə ki, FES rəhbəri açıqlamalarında dekabrın 13-14-də keçiriləcək növbəti iclasda uçot dərəcəsinin artırılma ehtimallarının çox yüksək olduğunu qeyd edib. Həmçinin, Yellen ABŞ iqtisadiyyatının möhkəm, sağlam və təhlükəsiz olduğunu vurğulayıb. Açıqlamalardan sonra dünyanın əksər valyutaları ilə müqayisədə dolların məzənnəsi möhkəmlənib. Əsas valyuta cütlüyü sayılan USD/EUR məzənnəsi 1,0590, TRY/USD - 3,38, RUB/USD - 65, CNY/USD məzənnəsi isə 6,89-a yüksəlib.
"Report"un analitik qrupu xarici borclara çox bağlı olan Türkiyə iqtisadiyyatı fonunda bu ölkədə dolların məzənnəsinin daha da çox yüksəlmək potensialı olduğunu bildirir: "İlin sonuna qədər isə Türkiyədə dolların məzənnəsinin 3,45 TRY/USD-yə qədər artması ehtimalı var".

Xəbərin orijinal ünvanı: https://report.az/maliyye/turkiyede-dollarin-mezennesi-yeni-rekord-hedde-catib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR