Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Akif Çovdarovun işində zərərçəkən şirkət rəhbərinin məhkəməsi davam etdirilib

Akif Çovdarovun işində zərərçəkən şirkət rəhbərinin məhkəməsi davam etdirilib

Date: 18 November 2016 13:12

Bu gün Bakı Ağır Cinayətlər Məhkəməsində dələduzluqda təqsirləndirilən "Real MTK"-nın təsisçisi və rəhbəri İlham Qasımovun cinayət işi üzrə məhkəmə prosesi davam etdirilib.

Milli.Az APA-ya istinadən bildirir ki, hakim Zeynal Ağayevin sədrliyi ilə keçirilən iclasda İlham Qasımovun vəkili çıxış edərək, onun barəsində bəraət hökmünün çıxarılmasını istəyib.

Proses noyabrın 25-də davam etdiriləcək.
 
Qeyd edək ki, prokuror təqsirləndirilən şəxsin 13 il müddətinə azadlıqdan məhrum edilməsini istəyib. İ. Qasımov bu ilin iyun ayında saxlanılıb. O, Cinayət Məcəlləsinin 178.3.2-ci (dələduzluq, külli miqdarda), 308.2-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə təqsirli bilinir. 

İ. Qasımov ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun işində zərərçəkmiş kimi tanınır.

Milli.Az
 


Tags:  Akif Çovdarovun işində zərərçəkən şirkət rəhbərinin məhkəməsi davam etdirilib

RƏYLƏR


Top news