Aktual mövzular: Dollar alış-satışı , Hava haqqında, Məzənnə, Neftin qiyməti

İki qardaşı güllələyib öldürən şəxsin istəyi baş tutmadı

İki qardaşı güllələyib öldürən şəxsin istəyi baş tutmadı

Date: 18 November 2016 14:04

Qaradağda iki qardaşı gülləyərək qətlə yetirməkdə təqsirli bilinən 1984-cü il təvəllüdlü Zaur Tərlanovun kasasiya şikayətinə baxılıb.

Lent.az-ın məlumatına görə, hakim Gülzar Rzayevanın sədrliyi ilə keçirilən prosesdə qərar elan edilib. Hakimlər kollegiyasının qərarına əsasən Zaur Tərlanovun Bakı Apelyasiya Məhkəməsinin ilkin baxış iclasının qərarından verdiyi kasasiya şikayəti təmin edilməyib.

Qeyd edək ki, ötən ilin yanvarın 8-də saat 17 radələrində Qaradağ rayonunun Sahil qəsəbəsində yaşayan Zaur Tərlanov yol kənarında dayanmış “Lexus” markalı avtomobilin içərisində oturmuş həmin qəsəbənin sakinləri – 1980-ci il təvəllüdlü Cahid Rəhimov və onun qardaşı, 1985-ci il təvəllüdlü Cavidə “Vinçester” markalı odlu silahdan bir neçə atəş açıb. Buna Zaurla onların arasında mübahisə yaranması səbəb olub.

Hadisə nəticəsində Rəhimov qardaşları ölüb. Cinayəti törədən Zaur hadisə yerindən qaçıb. Səhəri gün Qaradağ Rayon Polis İdarəsinin 38-ci bölməsinin əməkdaşları Zaur Tərlanov yaxalayıblar. İlkin dindirmə zamanı o, cinayəti qısqanclıq zəminində törətdiyini bildirib.

Zaur Tərlanovun qeyri-rəsmi yaşadığı Xanım Aslanova həm də mərhum Cavidlə münasibətdə olub. Cinayət də bu məsələ üstündə baş verib. Zaur Tərlanov Qaradağ rayonunda fəaliyyət göstərən “Bank Standard”ın əməkdaşı olub.

Bakı Ağır Cinayətlər Məhkəməsinin hökmü ilə Zaur Tərlanov ömürlük azadlıqdan məhrum edilib. Hökmdən narazı qalan Zaur Tərlanovun vəkilləri apelyasiya şikayəti veriblər. Onlar Zaur Tərlanovun müddətli cəza verilməsini istəyiblər.


Tags:  İki qardaşı güllələyib öldürən şəxsin istəyi baş tutmadı


RƏYLƏR


Top news