Aktual mövzular: Dollar alış-satışı , Hava, Məzənnə, Neftin qiyməti

"İçəri Şəhər" Estoniyada beynəlxalq film festivalında nümayiş olunub

"İçəri Şəhər" Estoniyada beynəlxalq film festivalında nümayiş olunub

“İçəri Şəhər” bədii filmi beynəlxalq film festivallarına dəvət alıb (07 Mart 2017 15:22)
Azərbaycan filmi beynəlxalq mükafata layiq görüldü (06 Mart 2017 20:57)
“Qırmızı bağ” "Ən yaxşı bədii film” mükafatına layiq görülüb (06 Mart 2017 13:52)

Tarix: 18 Noyabr 2016 15:27

Bakı. 18 noyabr.REPORT.AZ/ “İçəri Şəhər” bədii filminin Estoniyanın XX Tallin “Qaranlıq gecələr” Beynəlxalq Film Festivalında nümayiş edilib. 
Mədəniyyət və Turizm Nazirliyinin İnformasiya və ictimaiyyətlə əlaqələr şöbəsindən "Report"a verilən məlumata görə, filmin növbəti nümayişi noyabrın 21-də olacaq. “İçəri Şəhər” festivalın “Forum” proqramında iştirak edir. 
Məlumata görə, “İçəri Şəhər” Hindistanın XXI Kerala Beynəlxalq Film Festivalına və 47-ci Hindistan Beynəlxalq Film Festivalına (Qoa) dəvət alıb. Eyni zamanda, hazırda Misirin Qahirə Beynəlxalq Film Festivalında nümayiş olunur və tədbirdə filmin ssenari filmin ssenari müəllifi və quruluşçu rejissoru İlqar Safat da iştirak edir.
Qeyd edək ki, film Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında lentə alınıb. Psixoloji dram janrında lentə alınan filmin ideya müəllifi Təhminə Rafaella, ssenari müəllifləri Təhminə Rafaella və İlqar Safat, quruluşçu rejissoru İlqar Safat, quruluşçu operatoru Luka Koassin, quruluşçu rəssamı Bütünay Haqverdiyev, icraçı prodüseri Ülvi Qasımov, prodüseri Müşfiq Hətəmovdur. Filmdə baş rolları Təhminə Rafaella, Firdovsi Atakişiyev, Mehriban Zəki, Anar Xəlilov,Elmira Şabanova və digərləri canlandırıblar.

Teqlər:  İçəri Şəhər Estoniyada beynəlxalq film festivalında nümayiş olunub



RƏYLƏR


Top xəbərlər