Aktual mövzular: Dollar alış-satışı , Hava haqqında, Məzənnə, Neftin qiyməti

Bakı sakinini öldürüb, oğlunu bıçaqlayan şəxslərə hökm oxunub

Bakı sakinini öldürüb, oğlunu bıçaqlayan şəxslərə hökm oxunub

Date: 18 November 2016 16:12

Bakı. 18 noyabr. REPORT.AZ/ Bu gün Bakı Ağır Cinayətlər Məhkəməsində qətl törətməkdə təqsirləndirilən Elməddin Ağayev və Kərəm Əliyevin cinayət işi üzrə məhkəmə iclası başa çatıb.
"Report"un xəbərinə görə, hakim Ənvər Seyidovun sədrliyi ilə keçirilən prosesdə hökm oxunub.
Məhkəmənin hökmü ilə E.Ağayev 19 il və K.Əliyev 2 il müddətinə azadlıqdan məhrum edilib.
Qeyd edək ki, hadisə sentyabrın 19-da Xətai rayonu, Nobel prospekti, 110 ünvanında qeydə alınıb. 50 yaşlı Ələddin Qarayev oğlunun toyuna 12 gün qalmış qətlə yetirilib. Belə ki, Ə.Qarayevin oğlu Əmrah Qarayev Nobel prospekti-110 ünvanında yerləşən "Lion" kafesində kafe sahibinin mühafizəçisi E.Ağayevlə mübahisə edib, aralarında dava olub. Daha sonra Ə.Qarayev kafenin yaxınlığındakı evinə gedib. E.Ağayev və qardaşı Niyaməddin Ağayev bıçaqla silahlanaraq, Əmrah Qarayevin yaşadığı evə gəliblər. Evin qarşısında tərəflər arasında növbəti dəfə dava düşüb. E.Ağayev əlindəki bıçaqla Ə.Qarayevin boğaz nahiyəsinə xəsarət yetirib. Ə.Qarayevin atası Ə.Qarayev evdən beysbol ağacı götürərək qapıya çıxıb və oğluna kömək etməyə çalışıb. E.Ağayev onu da bıçaqlayıb. Hər iki şəxs xəstəxanaya aparılarkən, Ə.Qarayev yolda ölüb. Onun oğlu Ə.Qarayev isə 1 saylı Şəhər Kliniki Xəstəxanasına çatdırılıb. Daha sonra cinayəti törədən şəxslər həbs edilib.


Tags:  Bakı sakinini öldürüb oğlunu bıçaqlayan şəxslərə hökm oxunub

RƏYLƏR


Top news