Aktual mövzular: Dollar alış-satışı , Hava haqqında, Məzənnə, Neftin qiyməti

AMEA-da "Azərbaycan elminin inkişaf doktrinası"nın layihəsi müzakirə olunub

AMEA-da "Azərbaycan elminin inkişaf doktrinası"nın layihəsi müzakirə olunub

Date: 18 November 2016 17:07

Bakı. 18 noyabr. REPORT.AZ/ AMEA Rəyasət Heyətinin bu gün keçirilən iclasında "Azərbaycan elminin inkişaf doktrinası"nın layihəsi müzakirə olunub.
"Report" xəbər verir ki, AMEA-nın prezidenti Akif Əlizadə ölkədə elmin inkişafının dövlət siyasətinin əsas prioritetlərindən biri olduğunu deyib.
O, Azərbaycanın gələcəyinin, iqtisadi, siyasi və hərbi qüdrətinin respublikanın elmi potensialı ilə bilavasitə bağlı olduğunu, ölkənin davamlı inkişaf strategiyası, habelə müasir dünyada baş verən qlobal iqtisadi problemlərin Azərbaycanın elmi əsaslar üzərində inkişafını zərurətə çevrildiyini vurğulayıb.
A.Əlizadə qeyd edib ki, Rəyasət Heyətinin hazırladığı sənəd layihəsində mövcud elmi-texniki potensialın qorunması və inkişafı, elmin idarə edilməsi, təşkili və maliyyələşdirilməsi sistemlərinin təkmilləşdirilməsi, yüksək ixtisaslı kadrların hazırlanması, elmi işçilərin sosial təminatının yaxşılaşdırılması ilə bağlı kompleks tədbirlərin həyata keçirilməsi nəzərdə tutulur.
Akademik sənəd layihəsinin Respublika Elmi Tədqiqatların Əlaqələndirilməsi Şurasının iclasında geniş müzakirə olunduğunu əlavə edib.
Müzakirələrdən sonra doktrina layihəsi bəyənilib və təsdiqlənməsi üçün Prezident İlham Əliyevə təqdim edilməsi qərara alınıb.


Tags:  AMEA-da Azərbaycan elminin inkişaf doktrinasının layihəsi müzakirə olunub

RƏYLƏR


Top news