Aktual mövzular: Dollar alış-satışı , Hava, Məzənnə, Neftin qiyməti

5 dollarlıq cihaz istənilən kompüterə müdaxilə etməyə imkan verir

5 dollarlıq cihaz istənilən kompüterə müdaxilə etməyə imkan verir

“Moto G5”in satışına başlandı (16 Mart 2017 08:27)
Bu cihaz virusları tez aşkarlayacaq (14 Fevral 2017 07:42)
Virus xəstəliklərinin tez aşkarlanması üçün cihaz hazırlanıb (09 Fevral 2017 17:35)

Tarix: 18 Noyabr 2016 17:35

Təhlükəsizlik sahəsi üzrə mütəxəssis Semi Kamkar tərəfindən yaradılmış qurğu istənilən kompüterə müdaxilə etməyə imkan verəcək. “PoisonTap” cihazının qiyməti 5 dollardır.

“PoisonTap” cihazının əsasını “Raspberry Pi Zero” mini-kompüteri təşkil edir.

“ICTnews” Elektron Xəbər Xidməti “hi-tech.mail.ru” saytına istinadən yazır ki, həmçinin “microSD” kartı və “microUSB” – “USB” kabeli lazımdır. Kompüterə müdaxilə üçün proqram təminatını “GitHub” saytından pulsuz yükləmək mümkündür.

Bloka salınmış kompüterə müdaxilə üçün “PoisonTap” cihazını kompüterin “USB” portuna qoşmaq lazımdır. Semi Kamkar “macOS” və “Windows” əməliyyat sistemləri ilə işləyən fərdi kompüterlərdə cihazın işini yoxlayıb və hər iki halda müdaxilə uğurlu olub.

Kompüterin blokdan çıxarılmasına bir neçə saniyə vaxt sərf olunur.

Zərərverici cihaz brauzerin “cookies” yazılarını ələ keçirə, “Gmail”, “Facebook”, həmçinin onlayn bankçılıq kimi populyar xidmətlərin zərərverici versiyalarını yarada bilər. Brauzerdə açılmış vərəq əlavə məlumatlar üçün sorğu göndərdikdə cihaz bekdor yaradaraq cavabı saxtalaşdırır, nəticədə böyük həcmli informasiya oğurlamaq, hətta ikimərhələli avtorizasiyanı keçmək olar.

Emil Hüseynov





Teqlər:  dollarlıq cihaz istənilən kompüterə müdaxilə etməyə imkan verir



RƏYLƏR


Top xəbərlər