Aktual mövzular: Dollar alış-satışı , Hava haqqında, Məzənnə, Neftin qiyməti

"Ədliyyə orqanlarının inkişafı haqqında" fərmanda dəyişiklik edildi

"Ədliyyə orqanlarının inkişafı haqqında" fərmanda dəyişiklik edildi

Date: 18 November 2016 19:05

Prezident İlham Əliyev "Ədliyyə orqanlarının inkişafı haqqında" Azərbaycan Respublikası Prezidentinin 2006-cı il 17 avqust tarixli 446 nömrəli Fərmanında dəyişikliklər edilməsi barədə fərman imzalayıb.

Milli.Az AZƏRTAC-a istinadən bildirir ki, fərmanda deyilir:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

"Ədliyyə orqanlarının inkişafı haqqında" Azərbaycan Respublikası Prezidentinin 2006-cı il 17 avqust tarixli 446 nömrəli Fərmanında (Azərbaycan Respublikasının Qanunvericilik Toplusu, 2006, № 8, maddə 671; 2007, № 12, maddə 1223; 2009, № 12, maddə 983; 2010, № 2, maddə 80, № 7, maddə 622; 2012, № 12, maddə 1273) aşağıdakı dəyişikliklər edilsin:

1. 4-cü hissədə "380" rəqəmləri "420" rəqəmləri ilə əvəz edilsin.

2. Həmin Fərmanla təsdiq edilmiş "Azərbaycan Respublikası Ədliyyə Nazirliyinin Strukturu" üzrə:

2.1. 2-ci hissəyə aşağıdakı məzmunda on üçüncü bənd əlavə edilsin:

"İnformasiya-kommunikasiya texnologiyaları idarəsi";

2.2. 3-cü hissədə:

2.2.1. altıncı bənd aşağıdakı redaksiyada verilsin:

"Regional, yerli və digər qurumlar";

2.2.2. yeddinci bənd ləğv edilsin.

3. Azərbaycan Respublikasının Ədliyyə Nazirliyi aparatının işçilərinin sayında bu Fərmanın 1-ci hissəsinə uyğun olaraq edilən dəyişiklik Azərbaycan Respublikası Nazirlər Kabinetinin ədliyyə orqanları işçiləri üçün müəyyən etdiyi say həddi daxilində həyata keçirilsin.

4. Azərbaycan Respublikasının Nazirlər Kabineti bu Fərmandan irəli gələn məsələləri həll etsin".

Milli.Az


Tags:  Ədliyyə orqanlarının inkişafı haqqında fərmanda dəyişiklik edildi

RƏYLƏR


Top news