Bakı. 19 noyabr. REPORT.AZ/ "Leypsiq" futbol klubu Almaniya çempionatının 11-ci turu çərçivəsində səfərdə Leverkuzen "Bayer"ini 3:2 hesabı ilə məğlub edib.
"Report" xəbər verir ki, ev sahiblərinin heyətində Kevin Kampl (1-ci dəqiqə) və Yulian Brandt fərqlənib.
"Leypsiq"in heyətində qollar Emil Forsberq (67) və Villi Orbanın (81) hesabına yazılıb. Görüşün 4-cü dəqiqəsində "Bayer"in futbolçusu Yulian Baumqartlinqer topu öz qapısına göndərib.
Bu oyundan sonra "Leypsiq" turnir cədvəlində lderliyə yüksəlib. Aktivində 25 xal olan komanda cari mövsümdə 8 qələbə qazanıb və 3 oyunda meydandan sülhlə ayrılıb. İkinci yerdə 24 xalla "Bavariya" gedir. Lakin Münhen klubunun ehtiyatda bir oyunu var. "Bayer" 16 xal ilə 8-cidir.
"Leypsiq" Almaniya Bundesliqasının debütantıdır.
