Milli.Az tatar mətbəxindən ətli-sarımsaqlı qatlamanın hazırlanma qaydasını təqdim edir
Tərkibi (10 pay):
xəmir:
500 q un
250 ml su
1 yumurta
0,5 ç.q. duz
iç:
1 kq mal əti (qiymə)
2 baş soğan
0,5 ç.q. üyüdülmüş keşniş toxumu
duz
qara üyüdülmüş istiot
sous:
350 ml qatıq
2 diş sarımsaq
2-3 nanə budağı
duz
qırmızı üyüdülmüş istiot
Unu ələyin, ortasında çala açıb içinə su, duzla çalınmış yumurta töküb xəmir yoğurun. Sellofan torbaya qoyub 20 dəqiqə saxlayın.
Qiyməni xırda doğranmış soğan, duz, istiot və üyüdülmüş keşniş toxumu ilə yoğurun.
Xəmiri və içi üç yerə bölün.
Bir kündəni 40-45 sm diametrdə nazik yayın.
Üzərinə için 1/3-ni kənarlarından 1,5-2 sm saxlamaqla yayın. Rulet kimi bükün. Kənarlarını yapışdırın ki, bişəndə şirəsi axmasın.
Xəmirin və için qalanını da eyni cür hazırlayın.
Mantı qazanının sinisini bitki yağı ilə yağlayıb ortasına ruleti spiral kimi qoyun. Çalışın, rulet çox hündür alınmasın. Əgər hündür alınıbsa, əlinizlə üstündən azca basıb yastılayın.
Qatlamanı buxarda 50 dəqiqə bişirin.
Sous: Qatığın içinə sarımsağı sürtgəcdən keçirin, xırda doğranmış nanə, duz, qırmızı üyüdülmüş istiot qatıb qarışdırın. Sous qablarına paylaşdırın. Üzərinə pul bibər və nanə qurusu da səpə bilərsiniz.
Bişmiş qatlamanı buluda qoyun. Üzərinə bol kərə yağı gəzdirin. Doğranmış şüyüd səpin, 5-7 sm enində dilimlərə doğrayın.
Nuş olsun!
resept: vk.com/academy_main
Digər maraqlı reseptlər üçün Facebook səhifəmizə üzv olun.
Milli.Az
