Türkiyədə Siirt rayonunun Şirvan qəsəbəsində uçqun baş verən mis filizi mədənində daha bir işçinin cəsədi tapılıb.
Milli.Az APA-ya istinadən bildirir ki, bununla da ötən gün uçqun baş vermiş mədəndə tapılan cəsədlərin sayı 5-ə çatıb. Mədəndə uçqun altında qalan digər 11 işçi ilə bağlı axtarış-xilasetmə əməliyyatları davam edir.
Olayla bağlı Siirt Prokurorluğunun açdığı cinayət işi çərçivəsində mədən müdiri M.Ö. və təhlükəsizliyə cavabdeh mühəndis də daxil olmaqla, 6 nəfər saxlanılıb. Saxlanılanlar ifadələrinin alınması üçün polis idarəsinə aparılıblar.
Milli.Az