Sizin binada lift işləyir? - Bakı sakinlərinin əbədi lift problemi - FOTO

Sizin binada lift işləyir? - Bakı sakinlərinin əbədi lift problemi - FOTO
23:47 19 Noyabr 2016
96 Ölkə
Ölkə mətbuatı
A- A+

"9 mərtəbəli binanın sonuncu mərtəbəsində yaşayıram. Bütün köhnə binalarda olduğu kimi, bizdə də lift ancaq 7-ci mərtəbəyə qədər qalxırdı. Təsəvvür edin, iki mərtəbəni kimlərinsə qucağında qalxmağa məcbur olurdum, daşıyan da əziyyət çəkirdi, mən də". Qaradağ rayonu, Sahil qəsəbəsi, 59-54 ünvanında yaşayan akademik avarçəkmə üzrə paralimpiyaçı Asif Qasımov deyir bunları.

Fiziki imkanları məhdud olan idmançımız yaxınlarını əziyyətdən qurtarmaq üçün Qaradağ Rayon İcra Hakimiyyətindən tutmuş, "JEK"ə qədər bütün qurumlara müraciət edib. Nəhayət, lift təmir olunub, 9-cu mərtəbəyə qədər qalxıb. Amma... Məsələnin "əmma"sı ondadır ki, idmançımızın problemi tam həllini tapmayıb. Lift iki gündən bir xarab olduğundan o, çox zaman maşında gecələməyə məcbur qalır.

"Hündürmərtəbəli binada yaşayasan, amma liftin işləməyə. Sən də həyət üzünə həsrət qalasan". Bunu isə Xətai rayonu, Xudu Məmmədov küçəsində yaşayan 76 yaşlı Fazil İsgəndərov deyir. Şikayətçi bildirir ki, sonuncu dəfə yarım saatdan çox liftə qalıb, işıq və havalandırma sistemi olmadığından vəziyyəti pisləşib. İndi aylardır həyətə düşmür, çünki tez-tez xarab olduğundan liftdən istifadə etməkdən çəkinir...

Rəsmi statistikaya görə, Bakıda 1243 binada istismar müddətini tamamlamış 5200 lift var. 9 mərtəbəli binalarda hər blokda orta hesabla 20 mənzil olduğunu nəzərə alsaq, deməli, 100 mindən çox ailə üçün lift hələ də təhlükə mənbəyi olaraq qalır.

Milli.Az virtualaz.org-a istinadən bildirir ki, liftlərin təmir və yenilənməsi üçün hər il milyonlarla manat vəsait ayrılır. Amma məsələ ondadır ki, təxminən 35-36 il əvvəl istifadəyə verilən liftlərin istismar müddəti 25 ildir. Yəni təmir olunmasına baxmayaraq, bu liftlər artıq ömrünü başa vurub. Belə liftlərdən istifadə edənlərin həyatı isə Allahın ümidinə qalıb.

Bəs vəziyyətdən çıxış yolu yoxdurmu? Bakı Lift Təmir İstehsalat Birliyi çıxış yolunu bütün liftlərin yenisi ilə əvəzlənməsində görür. Amma bir şərtlə... Darıxmayın, şərti öyrənəcəksiz.

"Elə bil zəlzələ olur"

Binəqədi rayonu, Naxçıvani küçəsindəki 9 mərtəbəli binaların sakinləri liftdən istifadə etməyə qorxurlar. Ancaq təkcə ona görə yox ki, lift yarı yolda xarab olacaq. "Lift o qədər köhnəlib ki, işə düşəndə bütün bina sirkələnir. Bəzən qapılar açılana qədər həyəcan keçiririk. Hər an tros qırıla bilər", - ərazidə yaşayan Rəhim Rəhimov deyir.

Bu binalardakı litflərin içərisindən sidik iyi gəlir, düymələr siqaretlə yandırılıb. Liftlərdə yalnız 1 düymə işləyir, məsələn, 3-ü basıb 9-cu mərtəbəyə qalxırsan.

Xətai rayonu Xudu Məmmədov, General Mehmandarov, Məhəmməd Hadi küçələrindəki binalarda da vəziyyət eynidir. Lampalar və düymələr sındırılıb, divarlardan çirk damır, lift nərildəyib işə düşərkən sanki zəlzələ baş verir.

Lift işləmirsə...

Lift xarab olduqda hara müraciət etmək lazımdır? Baş çəkdiyimiz ünvanlarda liftlərin qarşısında nə bir elana, nə də telefon nömrəsinə rast gəlmədik. Buna görə də, kiminsə harayı eşidib köməyə gələcəyini gözləməkdən başqa çarə qalmır.

Bəzi binalarda isə sakinlər tanıdıqları ustaya müraciət edirlər. "Bizim qonşunun bir qohumu var, liftən başı çıxır. Liftdə adam qalanda o gəlib çıxarır", - Xudu Məmmədov küçəsi, 41-də yaşayan Adilə xanım deyir. Bu küçədəki 9 mərtəbəli binalarda liftlər yeni təmir olunub. Amma, məsələn, dünən binada liftlər xarab olmuşdu.

Qeyd edək ki, kooperativ binalarda da sakinlər bu problemlə üzləşirlər. Lift xarab olduqda hara müraciət ediləcəyi bəlli deyil. Bəzən sakinlərin köməyinə Fövqəladə Hallar Nazirliyi çatır. Nazirliyin rəsmi saytında "liftdə köməksiz qalanlara yardım göstərildi" kimi xəbərlərə hər ay rast gəlirik.

Liftlərin təmir və yenilənməsi üçün 15 milyon

Liftlərin təmir və yenilənməsi üçün hər il nə qədər vəsait ayrıldığı ilə bağlı Bakı Lift-Təmir İstehsalat Birliyinə ünvanladığımız sorğuya cavab ala bilmədik. Amma ölkə mətbuatında bu quruma 15 milyon manata yaxın vəsaitin ayrıldığı barədə informasiya yer alıb.

"Liftlərin dəyişdirilməsi prosesi mərhələli şəkildə həyata keçirilir. Bakı şəhəri üzrə Mənzil İstismar Sahələrinin balansında 5275 lift var. Bunların da 1590-nı artıq dəyişdirilib, 950-si təmir olunub. Yeni liftlər Amerikanın "Otis" firmasının Moskvada və Sankt-Peterburqda yerləşən müəssisələrindən alınır", - bu, Istehsalat Birliyinin mətbuata verdiyi açıqlamadandır.

Amma 1 liftin neçəyə başa gəldiyi açıqlanmır. Eləcə də, liftlərin təmirinə sərf olunan vəsaitin məbləği və ya bu kimi digər məlumatlara nə Bakı meriyasının rəsmi saytında, nə də Istehsalat Birliyinin hesabatlarında rast gəlmədik. Birliyə ünvanladığımız suallara cavab belə oldu: "Yaxşı olar ki, suallarınızı rəsmi qaydada ünvanlayasınız. Biz də baxıb, 1-2 günə cavab verərik".

Biz də deyilənləri yerinə yetirib sualları göndəririk. Amma məsul şəxsin təmir-tikintiyə nəzarətə getdiyini, gah da xəstə olduğu üçün işə çıxmadığını dedilər. Bu arada, onların cavabı olmadan yazı verməyin yaxşı bitməyəcəyini də üstüörtülü xatırlatdılar.

Günah sakinlərdə imiş

Qayıdaq Istehsalat Birliyinin şərtlərinə. Bakı-Lift Təmir İstehsalat Birliyi lift probleminin köhnə liftlərin yenisi ilə əvəzlənərək çözüləcəyini güman edir. Amma dediyimiz kimi bir şərtlə: sakinlər lifti xarab etməsinlər. Məsələn, Birliyin mətbuata açıqlamsında belə deyilir: "Yeni liftlər keyfiyyətlidir. Amma insanlarımız evlərini təmir edən vaxt, oradan çıxardıqları lazımsız əşyaları, zibilləri daşıyanda liftləri həddən artıq yükləyirlər. Eləcə də, liftlər əlavə elektrik cərəyanlarına qoşulur. Əgər lift üç adamı qaldırmaq üçün nəzərdə tutulsa, birdən-birə 5-6 adam liftə minir. Əlbəttə, belə halda qəza baş verə bilər".

Əslində, qurum bu məsələdə az da olsa haqlıdır, lakin bir nüansı nəzərə almalıyıq. Ekspertlər deyir ki, liftlərdə çox zaman paraşüt sistemində olan ciddi qüsurlar qəzaların baş verməsinə səbəb olur. Yəni lift yeni olsa belə, keyfiyyətsiz quraşdırıldıqda, texniki şərtlərə əməl etmədikdə paraşütlər açılmır. Nəticədə, lift şaxtaya düşür. Normal liftlər yüklənəndə və ya digər problemlər olduqda sadəcə işləməməlidir. Son 3-4 ildə baş verən qəzalar isə onu göstərir ki, lift texniki problem yarandıqda birbaşa şaxtaya düşür. Beləliklə, bəlli olur ki, keyfiyyətlə yanaşı, quraşdırarkən texniki şərtlərə əməl edilməsi də önəmlidir. Yoxsa ki, hər dəfə qəza baş verdikdə və ya lift xarab olduqda günahkar axtarmaqla problem həll olunmayacaq.

Milli.Az








RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Zoğalın heç yerdə eşitmədiyiniz faydaları

20 Avqust 2017 17:43

Ordusu olmayan ölkələr: onları kimlər qoruyur?

20 Avqust 2017 17:38

Ona bir də indi baxın - ailəsi tərəfindən zibilliyə atılmışdı - FOTO

20 Avqust 2017 17:38

Rusiyanın pauerliftinq üzrə dünya çempionunu öldürən azərbaycanlı axtarışa verilib

20 Avqust 2017 17:37

Dünya çempionunu küçədə belə öldürdülər

20 Avqust 2017 17:28

Aleksandr Səmədov üzr istədi

20 Avqust 2017 17:27

“Azərxalça” ASC-nin Şəmkir filialının açılışı olub

20 Avqust 2017 17:24

İran parlamenti Ruhaninin namizədini dəstəkləmədi

20 Avqust 2017 17:19

Son aylar ərzində ən çox satılan telefon məlum olub

20 Avqust 2017 17:14

Xəzərdə ölümlə üzləşən 3 nəfər xilas edildi

20 Avqust 2017 17:09

Azərbaycanda toy vaya döndü - Toy karvanındakı maşın 4 qonağı vurdu - FOTO

20 Avqust 2017 17:03

Cüdoçularımız universiada ilk qızıl medalı qazandı

20 Avqust 2017 16:59

Rusiyada zəlzələ baş verib

20 Avqust 2017 16:58

"Barselona"dan gözlənilməz transfer

20 Avqust 2017 16:57

"Apple"dəki hissələrini 800 dollara satan insanın bəxtsizlik HEKAYƏSİ

20 Avqust 2017 16:53

Livan əsgərləri Suriya ilə sərhəddə minaya düşüb: ölənlər var

20 Avqust 2017 16:47

Bülənt Ərsoyun 40 minlik istirahəti

20 Avqust 2017 16:46

Yer sivilizasiyası tarixinin ən təhlükəli dövrünə daxil olub

20 Avqust 2017 16:43

Beynəlxalq sərgi zamanı terror

20 Avqust 2017 16:37

Bu şəhərdə hasar çəkmək, itləri zəncirdə saxlamaq qadağandır - FOTO/VİDEO

20 Avqust 2017 16:33

Rusiyada zəlzələ olub

20 Avqust 2017 16:32

Qadın müəllim həyat yoldaşını bıçaqladı

20 Avqust 2017 16:21

Dünya şokda: Hamilə ikən hamilə qaldı - FOTOLAR

20 Avqust 2017 16:18

Əməkdar artistin evi başına uçdu

20 Avqust 2017 16:11

30 milyon manatlıq 1 cüt sırğa - FOTO

20 Avqust 2017 16:08

Daha bir dünya ulduzu Türkiyə klubunda - FOTO

20 Avqust 2017 15:57

“Dihaj” Bakının mərkəzində pulsuz konsert verdi

20 Avqust 2017 15:54

Fasiləsiz televizor izləmək xəstəlik yaradır

20 Avqust 2017 15:50

"Barselona"dan sürpriz Arda Turan qərarı

20 Avqust 2017 15:47

Belə də olur - Ər və arvad eyni oğlana aşiq oldu

20 Avqust 2017 15:43

Suriyada beynəlxalq sərgi atəşə tutulub, ölənlər və yaralananlar var

20 Avqust 2017 15:42

Prezident İlham Əliyev “Azərxalça” ASC-nin Şəmkir filialının açılışında iştirak edib

20 Avqust 2017 15:40

Bineli Yıldırım: "Türkiyə sərhədini qanunsuz keçmək istəyən 5 İŞİD terrorçusu zərərsizləşdirilib"

20 Avqust 2017 15:37

“Körpə gəzintidə” filmi gerçək oldu

20 Avqust 2017 15:33

30 ildən sonra belə istirahət edə bilərik - FOTOLAR

20 Avqust 2017 15:23

Ən sürətlə arıqladan dietik üsul

20 Avqust 2017 15:23

Ağcabədidə "Mercedes" yanıb

20 Avqust 2017 15:14

Nəcməddin Sadıkov prezident İlham Əliyevə raport verdi

20 Avqust 2017 15:13

Azərbaycan cüdoçusu Universiadada qızıl medal qazanıb

20 Avqust 2017 15:12

İraqda iki gəmi toqquşub, ölənlər var

20 Avqust 2017 15:07

Məşhur aktyor sevişmə səhnəsindən danışdı

20 Avqust 2017 15:04

"Ginnesin Rekordlar Kitabı"na düşən Bakı metrosu haqda 10 MARAQLI FAKT

20 Avqust 2017 14:58

Burkino-Fasoda terror aktı zamanı öldürülənlərin sayı 19-a çatıb

20 Avqust 2017 14:52

Dənizdə boğulmaq üzrə olan şəxs xilas edilib

20 Avqust 2017 14:52

İran-İraq müharibəsi başa çatıb

20 Avqust 2017 14:41

Məşhur amerikalı aktyor və yazıçı vəfat edib

20 Avqust 2017 14:39

Yaşı 3 milyard ildir: İDDİA TƏSDİQLƏNDİ - VİDEO

20 Avqust 2017 14:38

ABŞ-da təyyarə qəzaya uğrayıb, ölənlər var

20 Avqust 2017 14:37

Köpəkbalığının yeni növü aşkarlandı

20 Avqust 2017 14:28

Bir ildə 5 minə yaxın velosiped oğurlandı

20 Avqust 2017 14:27