Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Nazir hərbi hissələrdəki yeni yaşayış komplekslərinin açılışında - FOTO

Nazir hərbi hissələrdəki yeni yaşayış komplekslərinin açılışında - FOTO

Date: 20 November 2016 11:58

Müdafiə naziri general-polkovnik Zakir Həsənov Hərbi Hava Qüvvələrinin cəbhəboyu zonada yerləşən üç hərbi hissəsinin ərazisində yeni istifadəyə verilmiş yaşayış komplekslərinin açılışında iştirak edib.

Publika.az-ın Müdafiə Nazirliyinin saytına istinadən verdiyi məlumata görə, Müdafiə Nazirliyinin rəhbərliyi ərazilərdəki hava hücumundan müdafiə bölmələrinin döyüş texnika və vasitələrinə, eləcə də yeni istifadəyə verilən qərargahlar, əsgər yataqxanaları, yeməkxanalar, qazanxanalar, tibb məntəqələri, digər xidməti və inzibati otaqlara baxış keçirib.

Məruzə olunub ki, yaradılan şərait şəxsi heyətin gündəlik xidmətinin təşkilinə effektiv təsir göstərəcək, habelə hava məkanımızın daha etibarlı qorunması məqsədilə döyüş hazırlığı və döyüş növbətçiliyinin yüksək səviyyədə təşkili və aparılmasını təmin edəcək. Hərbi hissələrin komandir və şəxsi heyəti ilə görüşən nazir müvafiq tapşırıqlar verib.

Cəbhəboyu zonada səfərdə olan Z. Həsənov tikintisi davam edən bir neçə hərbi obyektdə olub və inşaat işlərinin gedişini yoxlayıb. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən şəxsi heyətin sosial-məişət şəraitinin daha da yaxşılaşdırılması istiqamətində həyata keçirilən tikinti işlərinin keyfiyyəti ilə maraqlanan müdafiə naziri müvafiq göstərişlər verib.

Nazir hərbi hissələrdəki yeni yaşayış komplekslərinin açılışında - Fotolar
Nazir hərbi hissələrdəki yeni yaşayış komplekslərinin açılışında - Fotolar
Nazir hərbi hissələrdəki yeni yaşayış komplekslərinin açılışında - Fotolar
Nazir hərbi hissələrdəki yeni yaşayış komplekslərinin açılışında - Fotolar


Tags:  Nazir hərbi hissələrdəki yeni yaşayış komplekslərinin açılışında FOTO

RƏYLƏR


Top news