"Cevapsız çinlama" mahnısı ilə məşhurlaşan 16 yaşlı müğənni Aleyna Tilki Diyarbakırdakı konserti ilə bağlı danışıb.
Axşam.az-ın xarici KİV-ə istinadən məlumatına görə, gənc müğənni "Onun Diyarbakırda nə işi vardı?" deyənlərə belə cavab verib:
"Bayrağımız göylərdə dalğalandıqca, biz də hər yerdə olacağıq. Ölkənin şərqi, qərbi olmaz. İnsanlara daha çox mativasiya lazımdır", - deyə Tilki öz səhifəsində yazıb.
Qeyd edək ki, Aleynanın Diyarbakırda restoranlardan birində baş tutan konsertinə gələn bir nəfər əl düzəltməsi olan partlayıcı ilə qonaqlara hücum edib. Tamaşaçılardan 6 nəfər yaralanıb.
Hadisədən sonra açıqlama verən Aleynanın meneceri Melek Sarıgil partlama zamanı müğənninin yaralanmadığını deyib. Hücumu məkana girə bilməyən bir neçə adam gerçəkləşdirib.
Partlama zamanı məkanın şüşələri də sınıb.