Londonun "Çelsi" klubu futbol üzrə İngiltərə Premyer Liqasının 12-ci turu çərçivəsində səfərdə "Midlsbro" üzərində 1:0 hesabı ilə qələbə qazanıb.
Publika.az xəbər verir ki, bu qələbə “Zadəganlar”ın turnir cədvəlində birinci pilləyə qalxmasına imkan verib.
Matçda yeganə qolu londonluların ispan hücumçusu Dieqo Koşta (41-ci dəqiqə) vurub.
Hazırda "Çelsi"nin hesabında 12 oyuna 28 xal var. Londonlular çempionatın ardıcıl altıncı oyununda qələbə qazanıblar. "Midlsbro" 12 oyuna 11 xal ilə 15-ci mövqedə qərarlaşıb.
Növbəti turda "Çelsi" öz meydanında "Tottenhem"i qəbul edəcək.