Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan-Rusiya sərhədində xüsusi əməliyyat keçirilir

Azərbaycan-Rusiya sərhədində xüsusi əməliyyat keçirilir

Date: 21 November 2016 09:44

 

Azərbaycanın Rusiya ilə sərhəd rayonlarında “Sərhəd-sipər” əməliyyatına başlanılıb. Əməliyyatlar Azərbaycanın şimal bölgəsini əhatə edir.

 

APA-nın yerli bürosunun məlumatına görə, “Sərhəd-sipər” şərti adı altında keçirilən əməliyyatlara Azərbaycanın daxili işlər orqanları ilə yanaşı, Rusiyanın hüquq-mühafizə orqanları da qatılıb.

 

Yerli sakinlərin verdiyi məlumata görə, aparılan əməliyyatlara bağlı XaçmazQusar rayonlarında xüsusi polis postları qurulub. Polis əməkdaşları tərəfindən rayona girən və çıxan avtomobillər yoxlanılır.

 

Hüquq-mühafizə orqanlarından APA-ya bildirilib ki, məlum əməliyyatlar Rusiya ilə Azərbaycan tərəfinin birgə əldə etdiyi razılaşmaya əsasən aparılır. Əməliyyatın keçirilməsində əsas məqsəd hər iki dövlətin sərhədyanı ərazilərində transmilli mütəşəkkil cinayətkarlığa, qanunsuz miqrasiyaya, narkotiklərin, qanunsuz silah-sursatın dövriyyəsinə qarşı mübarizə aparmaqdır.

 

Əməliyyatın noyabrın 27-dək kimi davam edəcəyi bildirilir.

 


Tags:  Azərbaycan-Rusiya sərhədində xüsusi əməliyyat keçirilir


RƏYLƏR


Top news