“Amerika vətəndaşlığı” satan klinikalar: çarə doğmaqdır - FOTO

“Amerika vətəndaşlığı” satan klinikalar: çarə doğmaqdır -  FOTO
14:13 21 Noyabr 2016
190 Dünya
Ölkə mətbuatı
A- A+

Dünyada miqrant probleminin yaranması Qərb ölkələrində vətəndaşlıq almaq prosedurunu da çətinləşdirib. Lakin başqa ölkədə “xəzinə axtaranlar” buna da çarə tapmaq üçün müxtəlif yollara baş vururlar. Bunlardan biri də getmək istədiyin ölkədə uşaq dünyaya gətirməkdir. Bu, yeni dünyaya gələn uşağın valideynlərinə avtomatik vətəndaşlıq qazandırır, ən pis halda yerli hökumət onlar üçün yaşamaq hüququnu tanıyırlar. Misal üçün, Amerika vətəndaşını doğmaq hansı anaya qismət olursa, o, gələcəyini təmin etmiş hesab olunur. Bu, həm də insanların yaşadığı ölkədən, aztəminatlı həyatından qaçış formasıdır.

Publika.az xəbər verir ki, artıq doğum işinə birbaşa şirkətlər baxır. Tez-tez Amerikaya uşaq doğmağa çağıran reklamlar ortaya çıxır.

“Miami Born” şirkətinin rəhbəri Mariana Bubnova həkim-ginekoloqdur. O, Rusiyada oxuyub, daha sonra Amerikaya köçüb. O, “Miami Born” adlı şirkət yaratmaq qərarına gəlir. Bu şirkət təkcə hamilələrə yox, bu və ya digər səbəb görə Amerikada tibbi xidmətlərdən istifadə etmək istəyən digər pasiyentlərə də yönəlib.

Bu reklamların MDB-də məşhurluğunun səbəbi daha asan viza almaqdır. Lakin Bubnova səbəbin təkcə vətəndaşlıq almaq olmadığını, yaxşı tibbi xidmətlərin də önəm daşıdığını deyir.

Amerikada doğuş təklifləri irəli sürən şirkətlərin əksəriyyəti Florida ştatının Mayami şəhərində yerləşir. Əsas səbəb iqlim və dənizdir.

Bununla yanaşı, ABŞ-da doğuş üçün pulsuz internet resurs da yaradılıb (deliveryinusa.com). Bu saytda doğuş üçün vasitələr təklif olunur.

Saytın nümayəndəsi Mila Denis deyir ki, onlar vasitələrin tapılmasından qazanc götürmürlər. Lakin saytda amerikalı həkimlərin profilləri, həmçinin, Mayamidə kirayə avtomobil verən şirkətlərin bannerləri, şəhərdə mənzil almağa yardım edən şirkətlərin elanları da yerləşdirilib.

“Sunflowe Family” şirkətinin qurucusu Anna isə hər şeyin “həkimliyi oxuyurdu, Amerikaya köçdü və öz işini qurdu” kimi stratdart olmadığını deyir.

O danışır: “Mən Ukraynadan gəldim. Məqsədim Amerikada doğuş etmək idi, çünki tibbin üstünlükləri var. Məlum idi ki, Amerika vətəndaşlığını ala bilərik və bu belə də oldu. Mənim post-sovet məkanında dostlarım kifayət qədərdir. Onlar mənim təcrübəmi eşidəndən sonra mənə müraciət edərək, kömək istədilər. Əvvəlcə bunu bizim dostlarımız istəyirdi, daha sonra dostlarımın dostları da müraciət etdilər. Beləliklə, insanlar bizə üz tutdular. Biz xidmət göstərməyə başladıq və biznes öz-özünə yarandı. Hətta gələnlərin ingilis dili bilməsi də vacib deyil. Bura Fransa, yaxud Böyük Britaniya deyil. Hansı ki, orada mütləq qaydalar var, onlardan biri də dili bilməkdir. Bura Amerikadır və insanlar pozitivdir. Mən müşahidələr aparmışam ki, dili ümumiyyətlə bilməyən insanlar bura gəlirlər və heç bir diskomfort hiss etmirlər. Bütün klinikalarda tərcüməçilər var. Mən Floridadan, Mayamidən danışıram, burada hər şey mükəmməldir. Lakin deyə bilmərəm ki, ölkənin başqa ərazilərində də belədir”.

Anna danışır ki, pasiyentlər üçün həmişə əsas olan Amerika vətəndaşlığını almaq olmur.

Rusiyadan olan bir müştərim deyir ki, onların övladları doğulandan iki həftə sonra öldü. Onlar Rusiya tibbinin zəif olduğunu düşünərək ikinci dəfə orada doğmağa risk etmirlər. Bir də yeni doğulan uşaq dərhal Amerika vətəndaşlığını almır, sadəcə olaraq, ona Amerika vətəndaşı olmaq hüququ verilir. Həmin uşaq 21 yaşına çatanda özü nə etmək istədiyini seçir”.

Doğuş xərcləri isə heç də ucuz deyil. Misal üçün, “AmeriMama” firmasının “facebook” səhifəsində Nyu-Cersidə “Medawlands” klinikasında doğmaq üçün 8500-dən 27500 dollara qədər tələb olunur. Təbii ki, qiymətlər xidmətlərə görə dəyişir. Lakin bu qiymətlərə uşaq üçün vizalar, pasport və vətəndaşlıq sənədinin rəsmiləşdirilməsi də daxildir. Belə görünür ki, Amerika klinikası “Amerika vətəndaşlığı”nı satmaqla məşğuldur.

Donald Trampın prezident seçilməsindən sonra “doğuş turizmi”nin öləcəyi hesab olunur. Yeni prezident ABŞ Konstitusiyasına dəyişikliyə ehtiyac olduğunu düşünür. Xüsusilə 14-cü maddəyə düzəliş edilməsini istəyir. Bu maddədə deyilir: “Birləşmiş Ştatlarda doğulmuş və yaşayan bütün şəxslər ABŞ vətəndaşıdır”.

Vətəndaş müharibəsindən sonra qaradərili qulların vətəndaşlığını təmin etmək üçün yeni dəyişiklik edildi və qeyd olundu ki, Yer kürəsinin istənilən yerində doğulmuş şəxslər ABŞ vətəndaşı ola bilər. Trampın fikrincə, bu düzəliş qeyri-leqal miqrantlara uşaq doğaraq, vətəndaşlıq qazanmaq imkanını yaradır.

Konstitusiyanı dəyişdirmək çətindir, lakin Trampın bunu bacaracaqsa, yeni doğulmuş uşaqların heç olmasa valideynlərindən birinin ABŞ vətəndaşı olması tələb olunacaq. Bu, “doğuş turizmi” üçün yaxşı gələcək vəd etmir.

“Sunflower Family” şirkətinin qurucusu Annanın fikrincə, belə olacaqsa, o zaman bazarın tənəzzülü qaçılmazdır.

“Utour” şirkətinin nümayəndəsi Solt Leyk belə düzəlişin ediləcəyinə inanmır. Lakin bu baş verərsə belə o, bazarı tərk etməyəcək. Çünki onlar insanlara yalnız uşaq üçün yox, həm də tibbi xidmət göstərirlər.

Mariana Bubnov da təxminən belə düşünür. O, əmindir ki, Amerikada doğuş xidmətinə həmişə təlabat olacaq.

“Doğuş” şirkətlərinin bütün nümayəndələri iddia edirlər ki, narazılıq təkcə qeyri-leqal miqrantların vətəndaşlıq almasına görə deyil. Yeni doğulan uşaqlar Amerikanın sosial, təhsil və tibbi proqramlarına da giriş əldə edirlər. Bu isə vergi verənlərin pulu hesabınadır. Bu kimi amillər “doğuş turizmi”ndə sərtləşdirmələri qaçılmaz edir.

Asif


Xəbərin orijinal ünvanı: http://publika.az/news/dunya/176765.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR