Müğənni Rəqsanə İsmayılovanın anası bu gün əməliyyat olunur.
Axşam.az-ın məlumatına görə, sənətçi bu haqda özü məlumat verib.
O bildirib ki, anası ayağından əziyyət çəkir:
“Anam mənim dünyamdır. Həm anam, həm atamdır. İllərdir yığılıb qalan dərdləri içini boğub. Ayaq üstə qalıb, gecəsini gündüzünə qatıb bizi böyüdüb. İndi də ayaqları əziyyət verir. Anam həm də şəkər xəstəsidir. Yeriyəndə əziyyət çəkməsini görəndə, içim qan ağlayırdı. Əməliyyat olunmaq istəmirdi, onu məcbur etdim. Heç həyatda belə çarəsiz olmamışdım. Sızıldayan ayağına qurban olum ana. Anam əməliyyata girib, əzizlərim, dua edin”.