Aktual mövzular: Dollar alış-satışı , Hava haqqında, Məzənnə, Neftin qiyməti

4 yaşlı qızı avtomobillə vurub öldürən sürücü məhkəmədə huşunu itirdi

4 yaşlı qızı avtomobillə vurub öldürən sürücü məhkəmədə huşunu itirdi

Date: 21 November 2016 15:05

Bu gün Bakı Ağır Cinayətlər Məhkəməsində ölümlə nəticələnən yol qəzası törətməkdə təqsirləndirilən Rahim Hüseynovun cinayət işi üzrə məhkəmə prosesi başa çatıb. 

Milli.Az APA-ya istinadən xəbər verir ki, hakim Tamella Nəsrullayevin sədrliyi ilə keçirilən prosesdə təqsirləndirilən şəxsin hüquqlarını müdafiə edən vəkil çıxış edib. O, R. Hüseynovun talassemiya xəstəliyindən əziyyət çəkdiyini deyərək, ona şərti cəza verilməsini istəyib. 
 
Təqsirləndirilən şəxs son söz deyəndən sonra huşunu itirərək, yerə yıxılıb. Penitensiar Xidmətin əməkdaşları tərəfindən R.Hüseynova yardım göstərilib və onun vəziyyəti normallaşıb. 
Hakimlər hökm oxumaq üçün müşavirəyə gedib. 
 
Müşavirədən sonra hökm oxunub. Hökmə əsasən, R.Hüseynov 6 il müddətinə azadlıqdan məhrum edilib. 
 
Qeyd edək ki, bu il iyunun 15-də saat 13 radələrində Xəzər rayonunun Buzovna qəsəbəsində Bakı şəhər sakini Rahim Hüseynov idarə etdiyi "VAZ-2109" markalı avtomobillə yolu keçən qəsəbə sakini, 4 yaşlı Nuranə Zeynalovanı vurub. Xəstəxanaya yerləşdirilmiş uşaq orada ölüb.

Milli.Az


Tags:  yaşlı qızı avtomobillə vurub öldürən sürücü məhkəmədə huşunu itirdi

RƏYLƏR


Top news