Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Əli Abbasov: "Bu pullar necə xərclənib, bilmərəm"

Əli Abbasov: "Bu pullar necə xərclənib, bilmərəm"

Date: 21 November 2016 16:12

Sabiq rabitə və yüksək texnologiyalar naziri Əli Abbasov aylıq şəxsi xərclərinə 200-300 min manat xərcləməsi ilə bağlı yayılan informasiyaya münasibət bildirib.

Milli.Az xəbər verir ki, unikal.org-a açıqlama verən Əli Abbasov deyib ki, ümumiyyətlə, belə bir ifadə verməyib. Onun sözlərinə görə, hazırda həbsdə olan nazirliyin vəzifəli şəxslərin ilkin istintaq zaması verdikləri ifadələrə əsasən belə məlumatlar yayılır:

"Bunların heç birinin əsası yoxdur. Mənim elə bir ifadəm olmayıb.

Qeyd olunan xərclərə gəldikdə isə deyə bilərəm ki, nazirlik mütəmadi olaraq, ölkəmizdə informasiya texnologiyalarının inkişafı məqsədilə bir sıra tədbirlər həyata keçirib. Bu məqsədlə gənc mühəndis və mütəxəssislərin hazırlanması, onların daxildə, xaricdə universitetlərdə və kurslarda təhsil və hazırlıq proqramlarının keçirməsi, müxtəlif seminar konfransların təşkili üçün sponsorluq fəaliyyəti həyata keçirib. Qeyd olunan vəsaitlər də bu istiqamətə xərclənib.

Həmçinin, mənim tövsiyələrimə görə, kiçik provayderlərin, İT mərkəzlərinin, Start-UP şirkətlərinin texniki təminatının güclənirilməsinə yönəldilib. Ancaq bu vəsaitlər necə xərclənib, o barədə dəqiq bir söz deyə bilmərəm".

Milli.Az


Tags:  Əli Abbasov Bu pullar xərclənib bilmərəm

RƏYLƏR


Top news