Ukrayna prezidenti Pyotr Poroşenko “Sağ sektor” hərəkatının sabiq lideri, Ali radanın deputatı Dmitri Yaroşu “III Boqdan Xmelnitski” ordeni ilə mükafatlandırıb.
Publika.az UNİAN agentliyinə istinadən xəbər verir ki, bu barədə fərman Ukrayna dövlət başçısının rəsmi saytında dərc edilib.
Sənəddə deyilir Kİ, Yaroş “şəxsi şücaət, fədakarlıq və yüksək peşəkarlığına görə” mükafatlandırılıb.
Qeyd edək ki, Rusiya İstintaq Komitəsi Maydan hadisələri və Donbas əməliyyatlarında aktivlik nümayiş etdirən “Sağ sektor”u ekstremist təşkilat kimi tanıyıb və Dmitri Yaroş barəsində cinayət işi qaldırıb. İstintaq Komitəsinin məlumatına görə, təşkilat Ukraynada Rusiyaya qarşı cinayətləri planlaşdırır. “Sağ sektor” 2015-ci ilin yanvarında Rusiyada qadağan edilmiş təşkilatların reyestrinə daxil edilib.
Ömər Dağlı
