Aktual mövzular: Dollar alış-satışı , Hava haqqında, Məzənnə, Neftin qiyməti

SOS: “Bir azdan insan əti yeyəcəyik”

SOS: “Bir azdan insan əti yeyəcəyik”

Date: 21 November 2016 18:48

ABŞ başda olmaqla koalisiya qüvvələrinin Mosulu İŞİD-dən təmizləmə əməliyyatı şəhərdə əsil humanitar fəlakətə səbəb olub.

Publika.az
xəbər verir ki, indiyə qədər 100 minə yaxın mülki vətəndaş evlərini tərk etmək məcburiyyətində qalıb.

Şimali İraq Kürd Muxtariyyətinə yaxın olan “Rudav” nəşri silahlı toqquşmaların daha çox olduğu şəhərətrafı məhəllələrdə böyük qıtlığın yaşandığı haqda xəbər yayıb.

Sədam məhəlləsi olaraq tanınan Zəhra məhəlləsindəki evlərdə çörək qalmayıb, ərzaq tükənib. Sakinlər qorxu içindədir.

Nəşrə danışan bir iraqlı bildirib ki, qısa müddətdə kömək gəlməsə, bir-birimizin ətini yeyəcəyik: “Vəziyyət çox pisdir. Ən qısa zamanda yardım edilməsə, insan əti yeməyə məcbur olacağıq”.

Digər bir problem isə atışmalar zamanı ölənlərin cəsədlərinin basdırılmamasıdır. Buna səbəb qəbiristanlıqların İŞİD-in nəzarətində olmasıdır.

Tahrir Məhəlləsindəki bir kişi danışır: “Evimin önündə bir İŞİD-çi öldürülmüşdü. Üzərində o qədər partlayıcı və bomba var idi ki, qorxudan yaxınlaşa bilmədim. Cəsəd elə də qaldı. İtlər gəlib bir hissəsini yedi”.

50 yaşlı Firasın evinə bomba düşüb, nəticədə həyat yoldaşı və qızı həlak olub. O, məcburiyyət qalaraq cəsədləri evin bağçasında basdırıb.

Qeyd edək ki, Mosulda hələ də xilas edilməyi gözləyən 1 milyon insan var.

Asif


Tags:  SOS azdan insan əti yeyəcəyik

RƏYLƏR


Top news