Qadın ana olmağa hazırlaşırsa... - VİDEO

Qadın ana olmağa hazırlaşırsa... - VİDEO
20:47 21 Noyabr 2016
136 Ölkə
Ölkə mətbuatı
A- A+

"Hamiləlik dövründə illərlə gizli qalan xəstəliklərin gedişatı kəskinləşir"
 
"Hamiləlik orqanizmdə illərlə gizli qalan problemlərin üzə çıxmasına şərait yaradır, onları fəsadlaşdırır, bu dövrdə xəstəliklərin gedişatı kəskinləşir. Əgər qadının hər hansı problemi varsa, hamiləlikdən öncə tədbirlər görülməli, bundan sonra ana olmağa icazə verilməlidir". 
 
Bunu APA TV-nin "Öncə sağlıq" proqramında Səhiyyə Nazirliyinin baş mama-ginekoloqu, Doğuşayardım Komissiyasının sədri Sevinc Məmmədova deyib.
 
Riskli hamiləliklərlə bağlı sualları cavablandıran baş mama-ginekoloq bildirib ki, riskli hal fizioloji hamiləlikdən kənara çıxma hallarına deyilir: "Təəssüflər olsun ki, bəzi hallarda qadınlarda hamiləlik dövründə ortaya çıxan problemlər nəticəsində bu proses qeyri-fizioloji keçir.  
 
Azərbaycanın bəzi bölgələrində çox erkən nikahlar bağlanır. Ölkəmizin də dəstəklədiyi  beynəlxalq normativlərə uyğun olaraq qadının yaşı 18-dən aşağıdırsa, bu, erkən nikah və risk faktorudur.
 
Eyni zamanda qadının ilk hamiləliyi 40 yaşından sonra baş verirsə, bu da riskli sayılır. Bu qadınlar sosioloji-bioloji faktor üzrə risk qrupuna daxildirlər. Bədən çəkisi artıq olan qadınlar da hamiləliklə bağlı risk qrupuna daxildirlər. Bu gün bütün dünyada olduğu kimi, Azərbaycanda da artıq çəkili qadınlara daha çox rast gəlinir.
 
Eyni zamanda çəki normadan az olanda da hamiləlik gedişində bir sıra problemlər ortaya çıxır. Bədən çəki indeksi normativlərinə görə, az çəkili qadınların hamiləliyi başa çatdırmağa gücləri çatmır. Riskli hallardan biri də budur.
 
Bundan başqa, mamalıqla bağlı risk faktorları da var. Mamalıqla bağlı risk faktorlarına dörd və ondan artıq doğuşun baş verməsi, ölü doğuşlar, vaxtından əvvəl, çox erkən doğuş halı, əvvəlki hamiləliyin gedişində fəsadlaşma yaranması, inkişaf qüsurlu dölün doğulması və s. hallar aiddir".
 
Komissiya sədri deyib ki, digər bir risk qrupuna ürək-qan damar sistemində, qaraciyərdə problemləri, ayaqlarda damar genişlənmələri və bəzi qan xəstəlikləri olan qadınlar daxildir.
 
Bütün bunların həm qadının hamilə qalmasına, həm hamiləliyin gedişinə, həm də doğuşa yüksək risk yaratdığını deyən S. Məmmədova qadınların hamiləlikdən öncə müayinəsinin, problem varsa, müalicəsinin çox vacib amil olduğunu vurğulayıb.
 
 
Onun sözlərinə görə, əgər fizioloji hamilə qadınlar, yəni hamiləliyi normal keçən qadınlar qadın məsləhətxanalarına hamiləlik dövründə müvafiq normativ aktlara uyğun olaraq 7 dəfə müraciət etməlidirlərsə, risk qrupuna daxil olanlar daha tez-tez müayinələrə getməlidirlər: "Bu qadınların hamiləliyi ginekoloqla bərabər müvafiq ixtisaslı mütəxəssislər tərəfindən də nəzarətdə saxlanmalıdır".
 
S. Məmmədova qeyd edib ki, hamilə qadınlarda ən çox rast gəlinən problemlər anemiyalar, bəzi xroniki xəstəliklər, ürək-damar problemləridir.
 
Baş mama-ginekoloq onu da xatırladıb ki, səhiyyə nazirinin martın 29-da imzaladığı əmrə əsasən, hamilə, zahı qadınlara göstərilən tibbi xidmətin təkmilləşdirilməsi, yaxşılaşdırılması üçün Bakı şəhərində fəaliyyət göstərən 6 aparıcı doğuşayardım müəssisəsinin mütəxəssisləri regionlara təhkim olunublar. Əmrə uyğun olaraq, bu aparıcı müəssisələrin ayırdığı briqadalar yeddi gündən az olmayaraq yerlərdə qalıb, doğuşayardım tibb müəssisələrində fəaliyyət göstərirlər: "Quba, Lənkəran, Bərdə, Gəncə, Şirvan, Şəkidə yerləşən müəssisələrə ezam olunan mütəxəssislər həm orada, həm də ətraf rayonlardan müraciət edən ağır patologiyalı qadınların  müayinə edib, tövsiyələrini veriblər.
 
Bu fəaliyyət bu günə qədər də davam edir. Biz artıq görülən işlərin yekunları barədə bir qədər öncə mətbuat konfransı da keçirmişik. Onu da qeyd edim ki, rayonlara ezam olunan briqadalar kifayət qədər işlər görüblər".
 
S. Məmmədova deyib ki, bu fəaliyyət nəticəsində Bakıdan rayonlara sanitar aviasiya ilə mütəxəssislərin çağırılması bir neçə dəfə azalıb, ağır xəstələrin vəziyyətdən çıxarılma əmsalı yaxşılaşıb, vaxtından əvvəl doğulan körpələrə xidmət yaxşılaşıb".
 
Bununla yanaşı, komissiya sədri qeyd edib ki, bu gün bölgələrdə olan mütəxəssislər Bakıda, xarici ölkələrdə ixtisaslarına uyğun keçirilən kurslara, seminarlara qatılıb biliklərini, təcrübələrini təkmilləşdirilər. Səhiyyə Nazirliyinin beş ildən bir keçirdiyi sertifikatlaşdırma imtahanları da mütəxəssislərin biliklərinin yenilənməsinə şərait yaradır.
 
Onun sözlərinə görə, bölgələrdə olan perinatal mərkəzlər müasir standartlara cavab verir, lazımi avadanlıqlarla təchiz olunub, ana və körpələrə tam həcmdə yardım göstərə bilirlər: "Mən bu gün fəxrlə Quba Perinatal Mərkəzinin adını çəkə bilərəm. Artıq orada son iki ayda vaxtından əvvəl doğulan uşaqlar ölmür. Demək olar ki, uşaq ölümü sıfıra endirilib".
 
 
Ana və uşaq ölümlərinə görə, mütəxəssislərin ittiham olunması hallarına münasibət bildirən S. Məmmədova deyib ki, o, bütün bunların həkimlərin günahı ucbatından baş verməsi haqda fikirlərlə razı deyil:
 
"Çox təəssüf ki, bizim insanlar sağlamlıqlarına biganədirlər. Bizdə xaricdə olduğu kimi heç də ən azı ildə bir dəfə çek-ap müayinələrindən keçmirlər.
 
Bəzən valideynlər qız övladlarında olan problemləri gizlədirlər. Həkim doğuş zamanı, əməliyyat masasında bilir ki, qadında hansısa ciddi xəstəliklər varmış. Halbuki bütün bunlar zamanında məlum olsaydı, həkimə müraciət olunsaydı, fəsadlar yaranmaz, bədbəxt hadisələr baş verməz. Bu gün Azərbaycanda ən müasir lazımi avadanlıqlar, çox savadlı mütəxəssislər hər cür yardım göstərmək imkanına malikdirlər".
 
 
Hər bir ana, uşaq ölümü ilə bağlı Səhiyyə Nazirliyinin, prokurorluğun araşdırma apardığını vurğulayan mütəxəssisin sözlərinə görə, ana ölümlərinin səbəbləri, bununla bağlı aparılan araşdırmaların nəticələri ilə də maraqlananda əsl həqiqət üzə çıxar: "Çünki anada gizli saxlanılan ürək qüsuru, vərəm, qan xəstəliyi, ümumiyyətlə, hamilə qalmağın qadağan olması kimi hallar üzə çıxır. Ona görə də səbəbləri bilmədən birbaşa həkimləri günahlandırmaq düzgün deyil.
 
Ana ölümlərinə görə, qadının ətrafı, yaxınları da məsuliyyət daşıyır. Hamiləlikdən öncə həkimə müraciət etmək, vaxtında müayinələrdən keçmək lazımdır.
 
Hamilə qadınlar həkim nəzarətində olmalıdır, məsləhətxanalara həkimlərin tövsiyə etdiyi zamanlarda müraciət etməlidirlər. Çünki hamiləliyin gedişində, hər müvafiq məqamda ayrıca standart müayinələr aparılmalıdır.
 
 
Biz müayinə və müalicələr sübutlu təbabətə əsaslanırıq. Sübut olunan dərman, sübut olunan müayinə üsulu tətbiq edilir. Bu gün bütün dünyada dərmandan nə qədər az istifadə olunsa, bir o qədər yaxşıdır, prinsipi əsas götürülür və biz də bunlara əməl edirik. 
 
Bizim klinik protokollarımızda heç yerdə zoonos infeksiyaların yoxlanması barədə göstəriş yoxdur. Məsələn, özəl klinikalarda birbaşa hamilə qadınların herpes, xlomidia, toksaplazma, uriaplazma, sitomiqlavirus infeksiyalarını müayinə etdirmələrini istəyirlər.
 
Bəli, hamiləliyin müəyyən müddətində hamilə qadın kəskin formada bu infeksiyalara yoluxarsa, o zaman dölə və özünə təsir edə bilər. Kəskin formada deyilsə, yoxlamağın nə əhəmiyyəti, nə mənası var?"
 
S. Məmmədova ailə quran şəxslərin nikahdan öncə müayinələrdən keçmələrinin vacib olduğunu vurğulayıb: "Hamiləlik öncəsi müayinələr, müalicələr mütləq olmalıdır ki, sonradan fəsadlarla, xoşagəlməz hallarla qarşılaşmayaq.
 
Hər hansı xəstəlik aşkarlanarsa, o zaman sona kimi müalicə olunmaq vacibdir. Əgər qadın ana olmağa hazırlaşırsa, hansısa problemi varsa, bunu zamanında həkimə demək, hamiləlik zamanı mütləq həkim nəzarətində olmaq, həkimin tövsiyələrinə əməl etmək lazımdır".

 

Milli.Az

RƏYLƏR

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Formula 1 Azərbaycan Qran Prisinin azarkeşləri (FOTO)

24 İyun 2017 14:55

Təhlükəsizlik işçisi xanım vəkilə TƏCAVÜZ ETDİ

24 İyun 2017 14:53

Sevdadan ərinə: "Səninlər hüzur tapıram"

24 İyun 2017 14:52

Prezident İlham Əliyev Fransada Azərbaycanın Dostları Assosiasiyasının prezidentini qəbul edib

24 İyun 2017 14:50

Sevda və Elnarə 10 il öncə...

24 İyun 2017 14:50

"Qarabağ" Avstriyada belə hazırlaşır - VİDEO

24 İyun 2017 14:47

Azərbaycan-Rusiya sərhədində sıxlığın aradan qaldırılmasına dair müzakirələr aparılıb

24 İyun 2017 14:47

Şəki pitisinin hazırlanma qaydası

24 İyun 2017 14:44

Miri Yusif “Eyforiya”nın ən yüksək HƏDDİNDƏ - VİDEO

24 İyun 2017 14:43

Rəqsanənin qızı gəlinlikdə - FOTO

24 İyun 2017 14:37

İsti hava can aldı

24 İyun 2017 14:36

İlk döndərilən yumşaq robot hazırlanıb

24 İyun 2017 14:35

Azərbaycan və Rusiya gömrükçüləri arasında müzakirə

24 İyun 2017 14:33

Putin kəşfiyyatdakı işindən danışdı: “Mən qeyri-leqal…”

24 İyun 2017 14:33

Türkiyədə hava limanlarına yaxın yerlərdə çərpələng və dilək şarları uçurmaq qadağan olunub

24 İyun 2017 14:32

Formula 2-nin Bakı qalibi: "Bu tras o qədər də təhlükəli deyil"

24 İyun 2017 14:27

"Qəbələ"də yeni müdafiəçi

24 İyun 2017 14:27

Sosial şəbəkədə YENİ TƏHLÜKƏ

24 İyun 2017 14:23

İnsanın buraxdığı qazlar haqqında 99 faiz heç kəsin bilmədiyi 12 fakt

24 İyun 2017 14:23

Formula 1: Colion Palmerin idarə etdiyi "Renault" bolidi sərbəst yürüş zamanı yanıb

24 İyun 2017 14:22

Məşhurlar bayramı harada qeyd edəcək?

24 İyun 2017 14:22

Leysana görə 100-dən çox evi su basdı - AZƏRBAYCANDA

24 İyun 2017 14:19

Terrorçu qruplaşmanın maliyyə rəhbəri öldürüldü

24 İyun 2017 14:17

Azərbaycana tütün idxalı illik 11% artıb

24 İyun 2017 14:12

Ürəyinizin sağlam olması üçün alça yeyin

24 İyun 2017 14:10

Bakı sakini qeyri-rəsmi övladını anasından alıb - FOTOLAR

24 İyun 2017 14:09

Bəşəriyyəti onlarla məhv edəcəklər: Beş dövlətin QORXUNC PLANLARI - VİDEO

24 İyun 2017 14:08

Formula 1 pilotlarının sonuncü sərbəst yürüşü başladı

24 İyun 2017 14:08

Surinam əsilli holland "Qəbələ"yə gəldi - RƏSMİ

24 İyun 2017 14:07

Xalq artistinin vəziyyəti ağırdır: "Həyatını itirə bilər"

24 İyun 2017 14:05

21 yaşlı oğlan gecə yarısı sevgilisi ilə qarajda gizlicə görüşdü və... - QANDONDURAN OLAY

24 İyun 2017 14:03

Bayram günlərində gömrükdə sıxlığın aradan qaldırılması müzakirə olunub

24 İyun 2017 14:01

TürkPA-da bərpa olunan enerji mənbələrinin inkişafı müzakirə olunub

24 İyun 2017 14:01

Avtomobil qaçıran yeniyetmələr qəzaya düşüb

24 İyun 2017 13:59

Avtobus şoferlərinə mini ətək geyinməyə icazə verildi

24 İyun 2017 13:59

ABŞ kəşfiyyatının işgəncə üsulları HAMINI ŞOKA SALDI

24 İyun 2017 13:58

Qız onunla evlənmək istəməyən sevgilisini kişilikdən məhrum etdi

24 İyun 2017 13:57

"Qəbələ" klubu hollandiyalı müdafiəçi transfer edib

24 İyun 2017 13:57

"Şaxtyor"un qapıçısı "Qarabağ"da

24 İyun 2017 13:55

Mingəçevirdə 100-dən çox yaşayış evini su basıb

24 İyun 2017 13:52

Bayram Səfərovdan Xocalı aeroportu ilə bağlı AÇIQLAMA: "Cəfəngiyyatdır"

24 İyun 2017 13:52

Pakistanda bir gündə 3 partlayış: ölənlərin sayı 70-ə çatıb

24 İyun 2017 13:50

Finlandiyalı turist: Yarışları izləmək üçün tamaşaçılar üçün rahat şərait yaradılıb

24 İyun 2017 13:50

Qızları daha cəlbedici göstərən dərin yarıqlı don dəbi - FOTOLAR

24 İyun 2017 13:48

"İnter" bu mərhələni adlayacaq gücdədi"

24 İyun 2017 13:47

Xalq artistinin oğlu

24 İyun 2017 13:47

Külli miqdarda qızılın ölkəyə qanunsuz gətirilməsinin qarşısı alınıb

24 İyun 2017 13:43

Formula 2 üzrə birinci yarışın qalibi məlum oldu

24 İyun 2017 13:43

Türkiyə şəhid verdi

24 İyun 2017 13:43

Xaçmazda həmkəndlisini ürəyindən bıçaqlayan şəxsin cəzası azaldılıb

24 İyun 2017 13:42