"Valensiya"nın prezidenti Peter Limin qızı Kim klubun bir neçə azarkeşini tənqid edib. Milli.Az goal.az-a istinadən xəbər verir ki, o, şənbə günü keçirilən "Mançester Yunayted" - "Arsenal" (1:1) oyununu izləmək üçün Londona gedib. Azarkeşlərsə onun "Valensiya"nın matçına gəlməməsindən narazı qalıblar. Goal.az xəbər verir ki, Kim Lim instagram hesabından buna cavab verib.
"Fikrimcə, "Valensiya"nın bəzi azarkeşləri məni nəzarətdə saxlamaq fikrindədirsə, axmaq və dəlidir. Başqa oyunu izləmək istəyirəmsə, öz seçimimdir. Bu, "Valensiya"nı dəstəkləməmək anlamına gəlmir. İngiliscə başa düşürsüzsə, Avropa səyahətim çərçivəsində Valensiyaya gələcəm. Buna görə sosial şəbəkədə lazımsız şərhlər yazmaqla özünüzü gözdən salmayın".
Milli.Az
