Bu gün Çempionlar Liqasında 5-ci tura start veriləcək.
Publika.az xəbər verir ki, ilk gündə E, F, G və H qruplarında oyunlar baş tutacaq.
E qrupunda “Monako” – “Tottenhem” görüşünün nəticəsindən çox şey asılı olacaq. Knyazlıq klubu doğma azarkeşləri önündə məğlub olmasa, növbəti mərhələyə vəsiqəni rəsmiləşdirəcək. Londonluları isə Fransada yalnız 3 xal qane edir. Moskvada “Bayer”lə qarşılaşacaq MOİK-in də qələbə qazanmaqdan başqa yolu yoxdu.
Günün mərkəzi görüşü “Ramon Sançes Pisxuan” stadionunda keçiriləcək. H qrupunda yer alan “Sevilya” ilə “Yuventus” qrup liderini müəyyən etmək üçün münasibətlərinə aydınlıq gətirəcəklər. Bu matçda “Sevilya”ya 1 xal bəs edirsə, “qoca sinyora” liderliyə yüksəlmək üçün mütləq qalib gəlməlidir. “Yuventus”un məğlubiyyətini arzulayacaq “Lion” isə şansını davam etdirmək üçün Zaqrebdə “Dinamo”ya eyni aqibəti yaşatmalıdır.
Çempionlar Liqası. Qrup mərhələsi, 5-ci tur
22 noyabr
E qrupu
21:00 MOİK (Moskva, Rusiya) – Bayer (Almaniya)
23:45 Monako (Fransa) – Tottenhem (İngiltərə)
F qrupu
23:45 Borussiya D (Almaniya) – Legiya (Polşa)
23:45 Sportinq (Portuqaliya) – Real (İspaniya)
G qrupu
23:45 Lester (İngiltərə) – Brügge (Belçika)
23:45 Kopenhagen (Danimarka) – Porto (Portuqaliya)
H qrupu
23:45 Sevilya (İspaniya) – Yuventus (İtaliya)
23:45 Dinamo Z (Xorvatiya) – Lion (Fransa)