Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Akademik Milli Dram Teatrında “Qürbətdən gələn məktublar” tamaşası nümayiş etdirilib

Akademik Milli Dram Teatrında “Qürbətdən gələn məktublar” tamaşası nümayiş etdirilib

Date: 22 November 2016 09:27

Bakı. 22 noyabr. REPORT.AZ/ Akademik Milli Dram Teatrında “Qürbətdən gələn məktublar” tamaşası nümayiş etdirilib.
Teatrın mətbuat xidmətindən “Report”a verilən məlumata görə, yazıçı-diplomat Həsən Həsənovun eyniadlı əsəri əsasında hazırlanan iki hissəli dramın rejissoru xalq artisti Mərahim Fərzəlibəyovdur.
Səhnə əsərinin quruluşçu rəssamı əməkdar mədəniyyət işçisi İlham Elxanoğlu, musiqi tərtibatçısı Həmid Kazımzadədir.
Tamaşada əsas rolları xalq artistləri Ramiz Məlik, Laləzar Mustafayeva, Hacı İsmayılov, əməkdar artistlər Kazım Abdullayev, Əjdər Həmidov, Elşən Cəbrayılov, Vəfa Zeynalova, aktyor Elçin Əfəndi ifa edib.
Qeyd edək ki, səhnə əsəri ilk dəfə teatrda 2003-cü ildə rejissor, xalq artisti Ramiz Həsənoğlunun quruluşunda “Brüsseldən məktublar” adı ilə səhnəyə qoyulub. Çağdaş günümüzlə səsləşən tamaşada M.F.Axundzadənin obrazını ilk dəfə xalq artisti Əliabbas Qədirov, daha sonra xalq artisti İlham Əsgərov canlandırıb.



Tags:  Akademik Milli Dram Teatrında Qürbətdən gələn məktublar tamaşası nümayiş etdirilib

RƏYLƏR


Top news