Avopa Liqasının J qrupunda mübarizə aparan "Qarabağ" bu gün Çexiyaya yola düşür.
Milli.Az sport7.az-a istinadla xəbər verir ki, "Qarabağ"ın futbolçu və məşqçilərini, eləcə də inzibati heyətlə oyunu izləyəcək mətbuat nümayəndələrini aparan təyyarə saat 17:00-da Praqaya doğru istiqamətlənəcək. Çexiya paytaxtından Liberets şəhərinə qədər olan məsafə isə avtobusla qət olunacaq.
"Slovan" - "Qarabağ" qarşılaşması noyabrın 24-də, Bakı vaxtıyla saat 22:00-da keçiriləcək. Bu qarşılaşmada qazanacağı 3 xal "Qarabağ"ın qrup mərhələsini uğurlu adlamasını təmin edəcək.
Hazırda J qrupunda vəziyyət belədir: "Fiorentina" - 10, "Qarabağ" - 7, PAOK - 4, "Slovan" - 1
Milli.Az
