"Qəbələ" Avropa Liqasının "Anderlext"lə oyununa ciddi itki ilə çıxacaq. Fanat.Az xəbər verir ki, Sergey Zenyov belçikalılarla oyunda komandasına kömək edə bilməyəcək.
Sonuncu dəfə "Sent-Etyen"lə noyabrın 3-də keçrilən Avroliqa oyununda meydana çıxan və 61-ci dəqiqədə əvəzlənən estoniyalı futbolçu Estoniyanın Belçika ilə matçından əvvəl zədə səbəbindən heyətdən kənarlaşdırılmışdı. 27 yaşlı hücumçu hazırda məşqlərə qatılmır və "Anderlext"ə qarşı oynamayacağı dəqiqdi.
Qeyd edək ki, noyabrın 24-də keçiriləcək "Qəbələ" - "Anderlext" matçı saat 20:00-da başlayacaq.
Fanat.Az