Aktual mövzular: Dollar alış-satışı , Hava haqqında, Məzənnə, Neftin qiyməti

Meymun hicablı qıza sataşdı, iki nəsil atışdı: 21 ölü, 50 yaralı - VİDEO - FOTO

Meymun hicablı qıza sataşdı, iki nəsil atışdı: 21 ölü, 50 yaralı - VİDEO - FOTO

Date: 22 November 2016 10:52

Liviyanın Sabha şəhərində meymunla bağlı insidentdən sonra iki nəsil arasında baş vermiş atışmada azı 21 nəfər həlak olub.

Milli.Az Al Arabiya-ya istinadən bildirr ki, Güdedfa nəslindən olan 34 yaşlı kişinin meymunu  Əvlad Süleyman nəslindən olan hicablı məktəbli qıza hücum edib. Meymun 13 yaşlı qızın başındakı hicabı açıb, onu cırmaqlayıb və dişləyib.

Qızın atası və qardaşları qisas almaq üçün meymunun sahibi ilə bahəm, onun iki oğlunu güllələyiblər.

Əvlad Süleyman və Güdedfa nəsilləri arasında atışma günlərlə davam edib.

Ölənlərin sayı, çox güman ki, daha çoxdur, çünki hələlik sadəcə, Əvlad Süleyman nəslindən itkilərlə bağlı xəbərlər verilir.

Məlumatlarda, döyüş zamanı tanklar, raketlər, minomyotlar və ağır silahlardan istifadə edildiyi və azı 50 adamın yaralandığı deyilir.

Güdedfa nəsli Liviyanın mərhum lideri Müəmmər Qəzzafinin də mənsub olduğu Qəzzazfa qəbiləsinə məxsusdur.

Şəhər hospitalının baş həkimi Əbdel Rəhman Areşin dediyinə görə, yaralıların sayı artır. Onların əksəriyyətinin vəziyyəti kritikdir.

Səbha şəhəri Liviyanın paytaxtı Tripolidən 660 km cənubdadır.

Milli.Az












Tags:  Meymun hicablı qıza sataşdı iki nəsil atışdı 21 ölü 50 yaralı VİDEO FOTO

RƏYLƏR


Top news