Tramp Əsəd tərəfdarına yüksək vəzifə verə bilər

Tramp Əsəd tərəfdarına yüksək vəzifə verə bilər
11:12 22 Noyabr 2016
53 Dünya
Ölkə mətbuatı
A- A+

ABŞ Konqresinin Nümayəndələr Palatasının, həmçinin Demokratlar Partiyasının üzvü Tulsi Qabbard Birləşmiş Ştatların yeni seçilmiş prezidenti Donald Trampın administrasiyasına daxil ola bilər.

Milli.Az Trend-ə istinadən bildirir ki, bu barədə "ABC Newsсo" telekanalı D.Trampın keçid komandasının nümayəndəsinə istinadən xəbər verir.

Bundan əvvəl T.Qabbard bəyan etmişdi ki, Suriya prezidenti Bəşər Əsədin və onun hökumətinin devrilməsi Liviya və İraq ssenarilərinin təkrarlanmasına və İŞİD terror qruplaşmasının mövqelərinin möhkəmlənməsinə səbəb olacaq.

Telekanalın məlumatına əsasən, hazırda T.Qabbardın D.Tramp administrasiyasında müxtəlif vəzifələrə namizədliyinə ciddi şəkildə baxılır. Mümkün vəzifələr arasında dövlət katibi, müdafiə naziri və ya ABŞ-ın BMT-dəki daimi nümayəndəsi göstərilir.

Həmçinin bundan əvvəl Nyu-Yorkda D.Trampla T.Qabbardın görüşdüyü bildirilir. Mənbənin məlumatına əsasən, görüş uğurlu olub.

Milli.Az


Xəbərin orijinal ünvanı: http://news.milli.az/world/491803.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR