ABŞ-ın məxfi təyyarəsinin səmalarda görünərək, uzun
müddət havada qalması bir sıra suallara səbəb olub.
Publika.az xəbər verir ki, Amerika mediası “Təlimdir,
Trampın prezident seçilməsi ilə bağlıdır, yoxsa Putinə mesajdır?”
sualları üzərində müzakirələr aparır.
Haqqında danışılan ağ rəngli təyyarə ötən çərşənbə günü ilk dəfə
San Diaqo şəhərində görünüb. Daha sonra isə Denver şəhərinin
üzərində qeydə alınıb. Bir neçə saat uçan təyyarə Oklahomadakı
hərbi bazaya enib. Təyyarənin üzərində heç bir şirkəti adı, yaxud
hərbi məlumatlar olmayıb.
Daha sonra məlum olub ki, bu təyyarə ABŞ Hava Qüvvələrində “Qiyamət
Təyyarəsi” adlandırılır. 141 milyon dollar dəyərindəki təyyarə nüvə
başlığı da daşıyır. ABŞ Hava Qüvvələrinin əlində 16 “Qiyamət
Təyyarəsi” mövcuddur.
Ehtimallara görə, bu təyyarənin havada görünməsi Rusiyaya güc
nümayişidir. Digər ehtimalda isə Trampın seçilməsindən sonra ABŞ-ın
bununla bütün dünyaya hansısa mesajı verdiyi deyilir.
ABŞ Hava Qüvvələri “Qiyamət Təyyarəsi”nin səmaya qalxdığını
təsdiqləyib, lakin bunun hansı məqsədlə edildiyini açıqlamayıb.
Asif
