Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bakıda “Təhlükəsizlik kəməri sizi həyata bağlayır” adlı layihə həyata keçiriləcək

Bakıda “Təhlükəsizlik kəməri sizi həyata bağlayır” adlı layihə həyata keçiriləcək

Date: 22 November 2016 11:42

Bakı. 22 noyabr. REPORT.AZ/ Bakı Şəhər Baş Polis İdarəsinin Dövlət Yol Polisi İdarəsi (BŞBPİ DYPİ) "Hed Academi Azerbaijan" və "Park Bulvar" AVM-in birgə təşkilatçılığı ilə dekabrın 3-dən 5-dək Azərbaycanda yol hərəkəti təhlükəsizliyinə həsr olunan layihə həyata keçiriləcək.
"Report" xəbər verir ki, “Təhlükəsizlik kəməri sizi həyata bağlayır” adlı layihənin məqsədi insanları təhlükəsizlik kəmərinin əhəmiyyəti, mahiyyəti və düzgün istifadə qaydaları haqqında məlumatlandırmaqdır.
"Hed Academi Azerbaijan"ın PR meneceri İbrahım Mirzəyevin sözlərinə görə, Azərbacanda ilk dəfə “Hed Academi Azerbaijan”-a məxsus “Aşma Əleyhinə Simulyator” geniş ictimayyətin istifadəsinə təqdim olunacaq: "Aşma simulyatoru, avtomibilin aşma anını simulyasiya edəcək və qəza anında kəmərin sürücünü necə qoruduğunu əyani göstərəcək. Aşma simulyatoruna əyləşən sürücü simulyator dönməyə başladıqda, kəmərin onu necə saxladığını görəcək və kəmərsiz yarana biləcək təhlükənin şahidi olacaq. 3 gün ərzində aşma simulyatoruna əyləşən hər bir şəxs həm də müsabiqədə iştirak etmək şansı qazanacaq. Suallara doğru cavab verən şəxslərə "Hed Academi Azerbaijan", "Park Bulvar" AVM və digər tərəfdaşlarımız tərəfindən dəyərli hədiyyələr təqdim olunacaq".


Tags:  Bakıda Təhlükəsizlik kəməri sizi həyata bağlayır adlı layihə həyata keçiriləcək

RƏYLƏR


Top news